Парисын Олимпын наадмыг 40 орчим орон эсэргүүцэж магадгүй

Aдмин / Гадаад мэдээ

Францын нийслэл Парис хотноо 2024 онд болох Олимпын наадмыг 40 орчим орон эсэргүүцэж магадгүй гэж Польшийн Спорт, аялал жуулчлалын сайд Камиль Бортничук мэдэгджээ. Орос, Беларусийн тамирчдыг 2024 оны наадамд оролцуулахыг зөвшөөрөх тухай Олон улсын олимпын хорооны /ОУОХ/ төлөвлөгөөг эсэргүүцэж байгаагаа Польш, Латви, Литва, Эстони хамтран илэрхийлсний дараа тэрбээр ийнхүү мэдэгдсэн байна.

Украин улсын хувьд дээр дурдсан тамирчдыг Олимпод оролцохыг зөвшөөрвөл тус наадамд оролцохоос татгалзаж, “бойкотлохыг” үгүйсгэхгүй гэдгээ мэдэгдээд байгаа юм. Харин ОУОХ пүрэв гарагт мэдэгдэхдээ, аливаа улс орон наадамд оролцохгүй байх нь зөвхөн “тамирчдад л шийтгэл болно” гэсэн байна.

Польшийн Спорт, аялал жуулчлалын сайд К.Бортничук хоёрдугаар сарын 10-нд болох хурлаас өмнө ОУОХ-ны төлөвлөгөөг цуцлахад дэмжлэг үзүүлэх Их Британи, АНУ, Канад зэрэг 40 орны эвслийг байгуулах боломжтой гэж үзэж байгаагаа илэрхийлжээ.

Өнгөрсөн долоо хоногт ОУОХ Орос, Беларусийн тамирчдыг Парисын наадамд төвийг сахисан статустай оролцохыг зөвшөөрөх “арга замыг судална” хэмээгээд, “ямар ч тамирчныг зөвхөн иргэншлийнх нь улмаас тэмцээн уралдаанаас хасаж болохгүй” гэж мэдэгдсэн юм.


Сэтгэгдэл

Олимпын ёсыг зөрчих нь зөв үү? [192.82.77.203] 2023-02-05 01:06:25

Эртний Грекийн Олимпын тоглолтод бүх Грекийн нутагт дайтаж байсан талууд байлдахаа түр зогсоож Олимпод очиж спортын тэмцээнүүдэд БҮГД оролцдог байсан. Үүнийг ОУ Олимпийн хороо НИЙТЭД зарлаад байгаа юм. Гэтэл ...


1 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
1 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.