Германы Берлин хотод төвтэй "Транспэрэнси интернэшнл" олон улсын байгууллагаас жил бүр улс орнуудын авлигын индексийг танилцуулдаг.

"Транспэрэнси интернэшнл" ТББ-ын зөвлөх Д.Тэгшбаяр "Монгол Улс авлигын индексээр 114 дүгээр байрт жагсаж, долоон байр урагшилсан бол ардчиллын индексээр "саарал бүс"-д хэвээрээ байна" гэлээ.

Авлигын индескийг гаргахдаа дараах үзүүлэлтүүдийг шалгуур болгодог юм.

• Төрийн нийтийн албан хаагч албан тушаалаа урвуулан ашиглаж байгаа эсэх,
• Төрийн албаны томилгоо шударга явагдаж байгаа эсэх,
• Хэсэг бүлгүүдэд зориулсан хууль батлагдаж байгаа эсэх,
• Өндөр албан тушаалтны авлигын хэргийг шийдвэрлэж байгаа байдал,
• Авлигын эсрэг хууль тогтоомжийн хэрэгжилт,
• Шүгэл үзээгч, сэтгүүлч, мөрдөн байцаагчийн эрх зүйл хамгаалалт ямар байгааг судалгаандаа тусгадаг байна.

Манай улс энэ удаад 33 оноо авсан байна. 2022 оноос хойш тогтмол 33 оноо авч байгаа нь энэ юм. Харин эрэмбийн хувьд өөрчлөгджээ. 2023 онд 121 дүгээрт жагсаж байсан бол энэ удаад 114 дүгээрт жагслаа. Манай улсын урд талын байруудад Непал, Нигер, Тайланд зэрэг улс жагсаж байна. Харин Дани улс 90 оноотойгоор долоо дахь жилдээ тэргүүлжээ