Олон улсын валютын сан, Дэлхийн банкны жилийн чуулга уулзалт 2024 оны аравдугаар сарын 21-нээс 26-ны өдрүүдэд АНУ-ын Вашингтон хотод болжээ. Тус уулзалтад Монголбанкны удирдлагууд, УИХ-ын гишүүн Х.Ганхуяг, Б.Мөнхсоёл, П.Сайнзориг тэргүүтэй найман гишүүн оролцоод ирсэн байна.

Томилолтын зардлыг Сангийн яамны төсвөөс гаргасан бөгөөд нэр бүхий найман гишүүн 217.7 сая төгрөг илүү авчээ. Тодруулбал, УИХ-ын найман гишүүний зургаан хоногийн албан томилолтын зардлыг хүн бүрд 40.8 сая төгрөгөөр, онгоцны тийзийн төлбөрийг 137.6 сая төгрөгөөр, нийт 178.4 сая төгрөг илүү тооцож олгосон байна.

Мөн хэвлэл мэдээллийн гурван ажилтны гадаад томилолтын 39.2 сая төгрөгийг бараа үйлчилгээний бусад зардлаас зарцуулсан зэрэг Сангийн яам нь өөрийн төсөвт хамааралгүй зардлуудыг санхүүжүүлжээ.

М.МӨНХ