Их Британийн Ливерпүүл хотноо болж буй боксын дэлхийн аварга шалгаруулах тэмцээний медалийн төлөөх шийдвэрлэх тоглолтууд өнөөдрөөс эхэлнэ. Монголын таван тамирчин шөвгийн наймд үлдсэнээс өнөөдөр гурав нь тулалдана.

Өнөөдөр эрэгтэйчүүдийн 55 кг-ын жинд Х.Билгүүнсайхан Испанийн тамирчин Лозано Серрано Рафаэйлтай, 70 кг-ын жинд О.Бямба-Эрдэнэ эзэн орны тамирчин Камара Оделтой, эмэгтэйчүүдийн 51 кг-ын жинд Б.Мөнгөнсаран Узбекистаны тамирчин Каракова Ферузатай тулалдана.

Харин эрэгтэйчүүдийн 50 кг-д А.Батулга, эмэгтэйчүүдийн 48 кг-ын жинд ДАШТ-ий мөнгөн медальт Л.Алтанцэцэг нар есдүгээр сарын 12-ны өдөр медалийн төлөөх тулалдах хуваарь гарлаа.