Украины шинэ ерөнхий сайдыг томилов

Украины шинэ ерөнхий сайдаар Юлия Свириденког томилжээ. Тодруулбал, Пүрэв гаригт (2025.07.18) ерөнхий сайд байсан Денис Шмигаль албан ёсоор огцрох өргөдлөө өгснөөр парламентын гишүүд дараагийн сайдыг томилох хурлыг эхлүүлсэн. Улмаар ерөнхийлөгч Володимир Зеленский 39 настай Свириденког ерөнхий сайдаар томилох санал дэвшүүлж парламент үүнийг баталлаа. Свириденког нь Украины анхны эмэгтэй эдийн засгийн сайдаар ажиллаж байсан юм. Тэрбээр улсын төсөвт аудит хийхээ мэдэгдсэн бөгөөд энэ нь бодит хэмнэлт хийх зорилготой хэмээн тодорхойлов.
Шинэ засгийн газар дайны талбарт ашиглаж буй дотоодын зэвсгийн хэмжээг 50 хувьд хүргэхийг хүсч буйгаа илэрхийлсэн байна.
Свириденко өөрийн цахим хуудаснаа “Зэвсэгт хүчинд тогтвортой хангамж үзүүлэх, дотоодын зэвсгийн үйлдвэрлэлийг өргөтгөх нь гол зорилт байх болно” гэж мэдэгдсэн бөгөөд шуурхай, шийдэмгий байх болно гэдгээ онцлон тэмдэглэв. “Reuters” агентлагийн мэдээлснээр, тэрбээр АНУ-Украины ашигт малтмалын хамтын ажиллагааны гэрээг байгуулахад чухал үүрэг гүйцэтгэсэн. Мөн Барууны түншүүдтэй хийсэн өндөр түвшний уулзалтуудад Украиныг байнга төлөөлж оролцдог. Харин ерөнхий сайд асан Денис Шмигалийг Батлан хамгаалахын сайдаар томилогдсон байна.
ЭХ СУРВАЛЖ: REUTERS
Сэтгэгдэл
зочин [202.21.120.62] 2025-07-21 17:34:29
Украйн гадны нөлөөнд автаж орос үндэстнүүдэд хайр найргүй хэрцгий хандсанаас болж дайны эхлэлийг тавьсан.Одоо удахгүй украйн гэж байгаа байхгүй нь мэдэгдэхгүй болох гэж байна.Барууны орнууд байлдааны зэвсэг техникээ тусламж нэрээр туршаад л байна. Газар нутаг газрын хэвлийн ашигт малтмалд нь шунасан гадныханаас болж ард түмэн нь дайны гамшгийг амсаж байна даа.
Монгол [202.9.46.153] 2025-07-19 20:09:52
НҮБ -ын бүрэн эрхт гишүүн, Тусгаар тогтносон Украин улсынхаа газар нутгийг хаяа залгаа улсуудыг байнга дарамтлан хадарч, газар нутгийг нь булаан эзлэх хар дайныг өдөөж, ард олныг нь хядан түрэмгийлж байгаа ханашгүй шуналт оросоос хамгаалан авч үлдэх ариун үйлс, эрхэм зорилгодоо хүрэхийг дайчин зоригт Ерөнхий сайд хатагтай Свириденко " хүсэн, эрүүл энхийг ерөөе!
Монгол [202.126.89.11] 2025-07-19 22:54:13
Ха ха ха