П.Н.Шастины нэрэмжит Улсын III төв эмнэлэг өнгөрсөн оны сүүлчээр допплер буюу тархины судсанд нарийн мэргэжлийн шинжилгээ хийх хүчин чадалтай аппараттай болжээ. Тархины судасны эмгэгээс улбаалсан өвчин улс орнуудад их байдаг. Манай улс энэхүү халдварт бус өвчнөөс шалтгаалсан хүн амын нас баралтаар дэлхийд хоёрдугаарт ордог. Техник технологийн хоцрогдмол байдлаас болоод өвчтөнд амьдрах баталгаа бүрэн өгч чаддаггүй байсан аж.

Тиймээс 2013 онд Дэлхийн эрүүл мэндийн байгууллага, Мянганы хөгжлийн сорилтын сангийн санхүүжилтээр Улсын III төв эмнэлэгт 20 ортой Харвалтын тасаг байгуулсан байна. Энэ удаад тархины судасны допплерографийн хамгийн сүүлийн үеийн 16 гГц, датчигийн аппараттай болсноор тархины нарийн шинжилгээ авах боломж бүрджээ.

М.АМАРЖАРГАЛ