Нийслэлийн ерөнхий боловсролын сургуулийн сурагчдад зориулсан смарт карт гаргасан байна. Энэхүү картаар сурагчид 40 гаруй төрлийн үйлчилгээ авах боломжтой ажээ. Түүнд, сурагчдыг хөгжүүлэх олон төрлийн үйлчилгээнээс гадна “Өргөө” кинотеатрт хөнгөлөлттэй кино үзэх, хүүхдүүдэд зориулсан лавлах утсууд руу холбогдох, нийтийн тээврээр үйлчлүүлэх зэрэг цогц үйлчилгээнүүд багтсан байна.

1-11-р ангийн бүх сурагч энэхүү картыг 1400 төгрөгөөр худалдан авч ашиглах боломжтой ажээ. Нийслэлийн хэмжээнд үйл ажиллагаа явуулдаг нийт 200 ерөнхий боловсролын сургуулиас 125-д нь энэ картыг ирэх сарын 1-нээс ашиглах юм байна. Зарим сургууль смарт карт ашиглахаас татгалзжээ.

Э.ЭНХ-ЭРДЭНЭ