Токио: Олимпын тамирчдад зориулан зорчих хөдөлгөөний хязгаарлалтыг сулруулах талаар хэлэлцэнэ
Токиогийн Олимпыг энэ зун зохион байгуулахаар товлоод байсан боловч цар тахал дэгдсэнтэй холбогдуулан наадмыг хойшлуулж ирэх онд зохиохоор шийдвэрлэсэн юм. Тэгвэл дараа жил болох Токиогийн Олимп, Паралимпын наадмын үеэр коронавирусний цар тахлыг бүрэн хяналтад аваагүй байвал хилийн чанадаас ирэх тамирчдад зориулан зорчих хөдөлгөөний хязгаарлалтыг сулруулах талаар хэлэлцэнэ гэж уг мэдээлэлд ойр эх сурвалжууд мягмар гарагт мэдээлжээ.
Энэхүү Олимпод 200 гаруй улс орон, нутаг дэвсгэрийн 11 мянга орчим тамирчин оролцох төлөвтэй байсан бөгөөд наадмыг зохион байгуулагчид тэмцээнүүдийн хамрах хүрээг бууруулах төлөвлөгөөгүй байгаагаа мэдэгдсэн байна.
Эх сурвалжуудын мэдээлснээр, тамирчид, төлөөлөгчдөөс халдвар аваагүй гэдгээ батлахыг шаардах бөгөөд Японд ирэхийн өмнө болон дараа зэрэг хэд хэдэн удаа шинжилгээ өгөх шаардлагатай болох төлөвтэй байгаа ажээ. Олимпын наадмыг ирэх оны долдугаар сарын 23-наас наймдугаар сарын 8-нд, Паралимпын наадмыг наймдугаар сарын 24-нөөс есдүгээр сарын 5 хүртэл явуулахаар товлоод байгаа юм.
Япон өнгөрсөн хоёрдугаар сараас хойш “COVID-19” халдварын тархалтаас урьдчилан сэргийлэх үүднээс хилийн хяналттай холбоотой арга хэмжээнүүдийг хэрэгжүүлж, гадаадын иргэдийн зорчих хөдөлгөөний хязгаарлалтуудыг чангатгасан юм. Хилээр нэвтрэхийг хориглосон орнуудад Алжир, Куба, Ирак зэрэг 18 орныг өнгөрсөн долоо хоногт нэмснээр уг жагсаалтад орсон улс орон, нутаг дэвсгэрийн тоо 129 болжээ.
Өнөөдөр болох үйл явдал: Австрали-Монголын бизнес форум болно
Монгол-Австрийн бизнес форумын талаар мэдээллээ
Ц.Элбэгдоржийг яллагдагчаар татах санал хүргүүллээ
Монголын баячууд улстөрчдөд дарлуулж байхдаа таарсан увайгүй л дээ
С.Зориг амиа алдахын өмнөхөн түүнтэй ресторанд уулзсан хүмүүс ам нээгээд эхэллээ
О.Номинчимэг: "Хангай" зочид буудлын барилгыг нураах, дахин төлөвлөх цаг болсон
Б.Энхбаяр: Нэг хүн 500 саяын захиалга өгч улс төрчийг "social bully" хийсэн. Үнэ өртөг нь нэмэгдсэн байна
И.Мөнхжаргал: Эрх баригчид зөвхөн ялахын төлөө Үндэсний эв нэгдлийг уландаа гишгэж болохгүй
“АРДЧИЛАЛ” ЗАРИМ ХҮНИЙ ХУВИЙН ӨМЧ БИШ. НИЙТ АРД ТҮМНИЙ ҮНЭТ ЗҮЙЛ
НҮБ-ын найм дахь Ерөнхий нарийн бичгийн дарга Бан Ги Мүн Монголд ирлээ