Украины ерөнхийлөгч Владимир Зеленский долдугаар сарын 17-нд Хууль зүйн сайд асан Ольга Стефанишинаг АНУ-тай хамтын ажиллагааг хөгжүүлэх асуудал хариуцсан тусгай бүрэн эрхт төлөөлөгчөөр томилох зарлиг гаргажээ.

Зеленскийн хэлснээр, энэ статусын хүрээнд Стефанишина "АНУ-д суух Элчин сайдыг томилохоор Вашингтонтой зохих процедурын тохиролцоонууд үргэлжилж байх хугацаанд ажиллана" гэжээ.

Стефанишина энэ удаа Засгийн газрын бүрэлдэхүүнээс гарч, Европ болон евроатлантикийн интеграци, хууль зүйн сайдын алба хашиж байснаа баталсан байна. Зеленский түүнийг "АНУ-тай Украин-Америкийн хөрөнгө оруулалтын сэргээн босгох сан байгуулах асуудлаар хэлэлцээ хийхэд оролцсон" гэж мэдэгджээ.

Украины Батлан хамгаалахын сайд асан Рустем Умеров, Украины хэвлэлүүд Стефанишинаг АНУ-д суух Элчин сайдаар томилогдсон гэж таамаглаж байсан ч "РБК-Украина" эх сурвалжаас иш татан "Өдгөө тэрбээр Оросын эсрэг хэлэлцээ хийх үүрэгт төвлөрөх магадлалтай" гэж мэдээлсэн байна.

Эх сурвалж: DW
Б.ЖАРГАЛ