Гахай жилийн эхний барилдаан өнөөдөр Эх орончдын өдөрт зориулсан барилдаанаар эхлэх гэж байна. Энэхүү барилдаанд улс аймгийн алдар цолтой 256 бөх зодоглох бөгөөд барилдаан Монгол бөхийн өргөөнд 14:00 цагаас эхэлнэ.

Сануулахад, Бөхийн холбооны маргаанаас үүдэн өнгөрсөн оны дөрөвдүгээр сараас хойш Бөхийн өргөөнд барилдаан болоогүй юм. Улмаар сар шинийн өмнөхөн Бөхийн холбоо эв зүйгээ олж, өнгөрсөн сарын сүүлээр Бөхийн өргөөг нээн үйл ажиллагааг нь хэвийн явуулж эхэлсэн билээ.