УИХ-ын өнөөдрийн ээлжит чуулганаар Ашигт малтмалын тухай хуульд нэмэлт өөрчлөлт оруулах тухай хуулийн төсөл болон Ашигт малтмалын тухай хуульд нэмэлт өөрчлөлт оруулах тухай хуулийг дагаж мөрдөх журмын тухай төслийг үргэлжлүүлэн хэлэлцлээ. Эдийн засгийн болон Байнгын хорооны хамтарсан санал дүгнэлтийг УИХ-ын хурлын гишүүн Б.Баттөмөр танилцуулсан юм.

Байнгын хорооны саналаар Ашигт малтмалын тухай хуульд нэмэлт өөрчлөлт оруулах тухай хуулийн төслийг батлая гэсэн саналын томъёоллоор санал хураалт явуулж, 62.8 хувийн саналаар дэмжигдлээ.

Ашигт малтмалын тухай хуульд нэмэлт өөрчлөлт оруулах тухай хуулийг дагаж мөрдөх журмын тухай төслийг батлая гэсэн саналын томъёоллоор санал хураалт явуулж, 61.9 хувийн саналаар дэмжигдэж, хуулийн төслүүд батлагдсанаар УИХ-ын чуулганы нэгдсэн хуралдаан завсарлалаа.