Мельбурнд дахин хөл хорио тогтооно

Aдмин / Гадаад мэдээ

Австралийн Мельбурн хотод коронавирусний халдварын тохиолдлын тоо огцом нэмэгдсэн тул зургаан долоо хоногийн турш хөл хорио тогтооно гэж Викториа мужийн Ерөнхий сайд Дэниель Эндрюс өнөөдөр мэдэгдлээ.

Хөл хорио орон нутгийн цагаар лхагва гаргийн оройны 23:59 минутаас эхлэх юм. Д.Эндрюсийн мэдээлснээр, оршин суугчдыг хүнс худалдан авах, ажилдаа явах, асаргаа хийх юм уу хийлгэх, дасгал хийх тохиолдолд л гэрээсээ гарахыг зөвшөөрөх ажээ.

Ингэснээр үйл ажиллагаагаа сэргээгээд удаагүй байсан зоогийн газар гэх мэт үйлчилгээний газрууд дахин хаагдана гэж Д.Эндрюс мэдээлжээ. Мөн Викториа мужийн Митчелл Шире бүсэд зургаан долоо хоног хөл тогтоохоор болжээ.

Викториа мужид даваа гарагт халдварын 191 шинэ тохиолдол илэрснийг тус мужийн Эрүүл мэндийн газраас өнөө өглөө мэдээлсэн байна. Викториад өдөрт халдварын хамгийн олон тохиолдол бүртгэгдэж буй нь энэ юм.

Эх сурвалж: Монцамэ