Нийслэлийн Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүх танхимд С.Баярцогт, Да.Ганболд, Б.Бямбасайхан, Б.Ариунсан нарыг шүүх хурал өчигдөр болж шийдвэрээ гаргалаа. Шүүх хурлын явц хэрхэн өрнөсөн талаар Б.Бямбасайханы өмгөөлөгч Н.Цогтоос тодрууллаа.

-Нотлох баримтыг шинжилж, судлах ажил дууссан уу. Шүүх хурлын явцын талаар мэдээлэл өгнө үү?

-Шүүх хурал Иргэний хэргийг хянан шийдвэрлэх тухай хуульд заасны дагуу нотлох баримтыг судалж дууссан. Улсын яллагч дүгнэлтээ хэлсэн. Бүх өмгөөлөгч нар цагаатгах талын байр суурьтай байгаа дүгнэлт хэлсэн. Мөн нэмэлт тайлбар хэлсэн байгаа.

-Өмгөөлөгчийн зүгээс ямар тайлбар хэлэв?

-Нийт өмгөөлөгчийн байр суурь ойролцоо байгаа. Нотлох баримт хангалтгүй байна. Ганцхан нотлох баримтыг ярьж байгаа. Энэ баримт нь шинжээчийн дүгнэлт буюу таван татварын байцаагчийн гаргасан дүгнэлт юм. Нэг дэх асуудал нь сонирхлын зөрчилтэй гэж байна. Сангийн яам хохирогч болчихсон. Сангийн яам хуулиар хүлээсэн үүргээ биелүүлээгүй байхад өөрийнхөө зөрчил дээр хохирогч болчихсон. Их ойлгомжгүй. Өөрсдөө хийх ажлыг хийгээгүй байж, шинжээч болж Сангийн яамны хийгээгүй ажилд өөр хүмүүсийг буруутгаж, санхүүгийн тайланг хүлээж авахыг даалгасан гэж байна. Ерөнхий сайд асан Ч.Сайханбилэг хүний захирамжаар хүлээж авсан асуудал. Хуулиар хүлээж авах ёстой. Хүлээж авахгүй болохоор захирамж гаргасан байгаа. УИХ-ын тогтоолын хүрээнд захирамж гаргасан Ч.Сайханбилэг тайлбар өгөх хэрэгтэй.

Ч.САЙХАНБИЛЭГИЙГ ОЛЖ ИРЭХ НЬ ХУУЛЬ ШҮҮХИЙН БАЙГУУЛЛАГЫН ҮҮРЭГ ШҮҮ ДЭЭ.

-Прокурор шүүхийн зүгээс Ч.Сайханбилэгийн талаар ямар мэдээлэл өгч байна вэ?

-Ч.Сайханбилэг гадаадад байгаа олдохгүй байна гэдэг. Уг олж ирэх асуудал нь хууль шүүхийн байгууллагын үүрэг шүү дээ. Бидний үүрэг биш. Хурлын тэмдэглэл дээр Ч.Сайханбилэг “ Хар толгойгоороо хариуцна. Хувь нийлүүлэгчийн хоорондын асуудал” гэсэн байсан. Захиргааны хэргийн шүүхээр хууль бус хүчингүй болчих учраас биелүүлэхгүй байх гэж яриад байгаа. Энэ нь боломжгүй асуудал. Ерөнхий сайдын гаргасан захирамж дараа жил хүчингүй болж магадгүй гээд биелүүлэхгүй суугаад байх юм уу. Тийм зүйл байхгүй. Төрийн бодлого учраас хууль, төрөө дээдлэх ёсыг биелүүлнэ шүү дээ.

-Шүүгчийн зүгээс өмгөөлөгчийн байр суурийг хэрхэн хүлээж авч байна вэ?

-Шүүх хараат бус байдлаар шийдвэрээ гаргана. Зөв шийдвэр гарна гэдэгт найдаж байгаа. Манай үйлчлүүлэгч Б.Бямбасайхан 2015 онд төрийн албан хаагч байгаагүй. Одоо ч гэсэн төрийн албан хаагч биш. Төрийн албанд ажиллаж тангараг өргөөгүй. Иймээс төрийн албан хаагч албан тушаалаа урвуулан ашигласан гэх гэмт хэрэг үйлдэх бололцоо байхгүй. Эрх зүйн үндэслэлгүй. Миний хувьд цагаатгах нотлох баримт хангалттай байгаа. Шинжээчдийн дүгнэлт хууль бус. Хууль бусаар цуглуулсан нотлох баримтыг нотлох баримтаар авдаггүй. Хууль бусаар цуглуулсан нотлох баримтыг хасч өгөх хүсэлтийг өгсөн. Шүүх шийдэх байх.

-Танай үйлчлүүлэгч Б.Батсайхан ганцаараа байгаа юу. С.Баяр хамт шүүгдэж байгаа юу?

-С.Баярын хэргийг хэрэгсэхгүй болгочихсон. 2009 оны гэрээг буруутгаж шинжээчид дүгнэлт гаргаад байгаа. 2009 оны гэрээн дээр тогтворжуулсан асуудлыг та нар дагаж мөрдлөө гэж хүнийг буруутгаж болохгүй