Төсвийн тодотгол хэлэлцэх тул салбар тус бүр хөрөнгө оруулалтаа нэмэх, хасах саналаа нэгтгэхийг үүрэг болгожээ

Н.Алтанцэцэг / Улстөр

Улсын Их Хурлын Боловсрол, соёл, шинжлэх ухаан, спортын байнгын хорооны дарга Ж.Мөнхбат Байнгын хорооны эрхлэх асуудлын хүрээн дэх салбарын сайд, холбогдох байгууллагуудын удирдлагуудыг хүлээн авч уулзлаа.

Уулзалтад Боловсрол, шинжлэх ухааны сайд Л.Цэдэвсүрэн, Боловсрол, шинжлэх ухааны дэд сайд Г.Ганбаяр, Соёлын дэд сайд М.Батбаяр, Соёлын яамны Төрийн нарийн бичгийн дарга Г.Эрдэнэбат, Шинжлэх ухааны академийн тэргүүн дэд ерөнхийлөгч, академич Г.Чулуунбаатар, Биеийн тамир, спортын улсын хорооны дарга Ц.Шаравжамц нарын зэрэг хүмүүс оролцож, салбарын хууль эрх зүйн орчныг боловсронгуй болгох болон ойрын үеийн тулгамдсан асуудлаар санал солилцов.

Байнгын хорооны дарга Ж.Мөнхбат уулзалтын үеэр Улсын Их Хурлын ээлжит бус чуулганаар 2020 оны төсвийн тодотголыг хэлэлцэх болсон тул салбар тус бүрээр хөрөнгө оруулалтын асуудлаар нэмэх, хасах саналаа нэгтгэх, шаардлагатай санхүүжилтийн тооцоо судалгааг гаргах, холбогдох хууль тогтоолын төслийг өргөн мэдүүлэх, эцэслэн батлах хүртэлх бэлтгэл ажлыг сайтар хангахыг үүрэг болгов.

Мөн Улсын Их Хуралд өргөн мэдүүлсэн Боловсролын 5 багц хууль, Соёлын тухай, Киноны тухай, Музейн тухай, Киноны тухай зэрэг хуулийн төслүүд болон салбарын тулгамдсан асуудлаар цуврал хэлэлцүүлгүүд зохион байгуулах, УИХ-ын намрын чуулганаар хэлэлцэх 2021 оны төсвийн тухай хуульд оруулах санхүүжилт, хөрөнгө оруулалтын төслийн саналыг бэлтгэхэд анхаарч, ажлаа шуурхайлахыг хүслээ.

Түүнчлэн Байнгын хорооны гишүүдийн бүрэлдэхүүнтэй хянан шалгах ажлын хэсэг байгуулж, салбарын яам, харьяа байгууллагуудад хууль тогтоомжийн хэрэгжилт, төрийн болон орон нутгийн өмчийн хөрөнгөөр бараа, ажил, үйлчилгээ, худалдан авах ажиллагаанд хянан шалгах ажлыг зохион байгуулна гэж мэдэгдлээ хэмээн УИХ-ын Хэвлэл мэдээлэл, олон нийттэй харилцах хэлтсээс мэдээлэв.


Сэтгэгдэл

хотгор сайд хүрлээ [66.181.161.106] 2020-07-27 20:58:06

шахааны мөнгө

Зочин [66.181.188.113] 2020-07-27 07:32:43

Нэмэх хөрөнгө байхгүй гэдгийг мэдэж байна уу бүсээ чангалж алдагдалгүй төсөв хийхийг 10 жилийн хүүхэд ч мэднэ

Багш [66.181.178.223] 2020-07-27 06:42:02

За дарамталж, өөрийн ноёрхол тогтоох гэж оролдох хэрэггүй шүү. Үндсэн хуулийн өөрчлөлтөөр Засгийн газрын чиг үүрэг их өөр болсон. Мөнхбат гуай Засгийн газрын хэрэг эрхлэх газрын дарга байхдаа БСШУС-ын сайдыг орлож, арван хэдхэн хоногт холион бантан хийснийг бид мартаагүй байгаа шүү. Өмнөх байнгын хорооны дарга чинь ямар ч чадваргүй этгээд шахаж, хэрэв томилохгүй бол бүх хуулийг чинь гацаана гэж дарамталж байсан, гишүүд хууль тогтоох ажлаа л шударга сайн хийж үз. Хууль тогтоолын биелэлтийг шалгаж, танилцаж бололгүй яах вэ. Угаасаа парламентын нэг чиг үүрэг. Харин энэ нөхөр ямар аргаар өөрийн ноёрхолоо тогтоохоо л бодож суугаа. Уг нь уран бүтээлч хүн гэгддэг юм шүү дээ.

Иргэн [103.229.120.103] 2020-07-23 17:50:21

Төсвийн тодотголоор ихэнх шаардлагагүй хөрөнгө оруулалтыг хасах хэрэгтэй. Юун нэмж хасах санал авах вэ. Хасаж санал өгөх гэгч ААН байхгүй.


4 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
4 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.