Голомт банк “Бизнес Эмэгтэйчүүдийн Ментор клуб”-тэй хамтран ажиллах санамж бичиг байгууллаа

“Бизнес Эмэгтэйчүүдийн Ментор клуб” болон Голомт банкны удирдлагууд өнөөдөр хамтын ажиллагааны санамж бичиг байгууллаа.
Арга хэмжээний үеэр “Бизнес Эмэгтэйчүүдийн Ментор клуб”-ын Гүйцэтгэх захирал Э.Уянга, Голомт банкны Иргэд, жижиг дунд банкны газрын захирал Ц.Байгалмаа нар гарын үсэг зурсан юм. Ингэснээр Голомт банкны зүгээс бизнес эрхлэгч эмэгтэйчүүдийн үйл ажиллагаа, тэдгээрийн нийгэм эдийн засагт гүйцэтгэж буй үүрэг, ач холбогдлыг нийтэд таниулан сурталчлах, мэдлэг, мэдээллээр ханган сургалтын хөтөлбөрүүдийг хамтран хэрэгжүүлэхээс гадна бизнес эрхлэхэд тулгарч буй хүндрэл бэрхшээлийн талаар харилцан мэдээлэл солилцон дэмжлэг туслалцаа үзүүлэхээ илэрхийллээ.
Голомт банкны зүгээс тус холбооны гишүүн бизнес эрхлэгч эмэгтэйчүүдэд тусгайлан зориулан хөнгөлөлттэй нөхцөлтэй зээлийн хөтөлбөрийг санал болгож, санхүүгийн бүх төрлийн үйлчилгээг хүргэн ажиллах юм.
“Бизнес Эрхлэгч Эмэгтэйчүүдийн Ментор клуб” нь бизнес эрхлэгч эмэгтэйчүүдийг чадавхжуулж, тэдгээрийн хэрэгцээ шаардлагад нийцсэн менторын болон бусад сургалт, хамтын ажиллагааны хөтөлбөрүүдийг хэрэгжүүлэн, нийгэмд ээлтэй бизнес, хамтын ажиллагааг цогцлоож, бизнес эрхлэгч эмэгтэйчүүдийн манлайллыг хөгжүүлэх чиглэлд үйл ажиллагаагаа явуулж байна.
Монгол Улсын системийн тэргүүлэх Голомт банк нь жендерийн эрх тэгш байдлыг дотооддоо ханган ажиллахаас гадна харилцагчдынхаа жендер, түүнийг дагасан эдийн засгийн хөгжлийн асуудлыг анхааран ажилласаар ирсэн билээ. Манай улсын жижиг дунд үйлдвэрлэл, үйлчилгээ эрхлэгчдийн 60-аас дээш хувийг хүн амын дийлэнх хэсгийг бүрдүүлэгч эмэгтэйчүүд эзлэн баялаг бүтээж, ажилгүйдлийг бууруулах, эдийн засгийн түлхэх хүч болон нийгэмд эзлэх байр сууриа бэхжүүлсээр ирсэн түүхтэй. Голомт банкны зүгээс бизнес эрхлэгч эмэгтэйчүүдийг дэмжин санхүүгийн чадавхийг нь сайжруулах, үйлдвэрлэл үйлчилгээгээ идэвхтэй эрхлэх боломжоор хангахад анхаарал хандуулан ажиллаж байна.
Энэ 2 хүний хоёулангийх нь хөгжим дууг нь сонсохгүй, худалдаж авахгүй байцгаая
Б.Жаргалсайхан: Х.Баттулгад баярла
Ерөнхийлөгч Х.Баттулга нэр төрөө сэргээлгэхээр МАН-ын дарга У.Хүрэлсүхийг шүүхэд өгчээ
С.Амарсайхан: Хатуу хязгаарлалт хийж, тархалтыг хумих шаардлага үүслээ
С.Хүрэлбаатар: Улсаа дэлхийн түвшинд хөгжүүлье гэвэл бөхчүүд, тулааны тамирчдад бус оюунлаг эрдэмтэн, судлаачиддаа хөрөнгө оруулж сурмаар байна
Засгийн газар, Улсын онцгой комисс вакцины татан авалтаа хийгээгүй учраас дархлаажуулалтын ажлыг зогсоож байгаа юу
Ш.Лхачинжав: Амиа алдсан харуулын дарга гэр бүлтэй, гурван хүүхдийн эцэг байсан
Цэргүүдыг Алтай сумаас 50 км зайд байхад нь баривчилжээ
ШӨХТГ: Үнэ нэмсэн тохиолдолд ХУУЛИЙН дагуу ХАТУУ ХАРИУЦЛАГА тооцно
Ерөнхийлөгч Х.Баттулга 8 сар хүртэл 1 сая төгрөгийг өрх бүрт нөхөн олговор хэлбэрээр олгох тухай албан бичгийг Ерөнхий сайдад илгээв