Хэд хоногийн өмнө Богд уулгаас зэрлэг нохдыг бөөнөөр нь үргэж гаргалаа гэсэн мэдээлэл гараад байв. Гэтэл үргэсэн ноход Сонгинохайрхан, Эмээлтийн малтай айлуудын хонь ямааг үргээж сүрэгээс хоцорсон төлөг, борлонг шууд барьж идэн айлуудад багагүй хохирол учруулаад байгаа талаар иргэд бидэнд мэдээллээ. Мөн гэгээн цагаан өдрөөр ч зэрлэг ноход олноороо үзэгдэх болж зарим нь хүн тоохгүй өмнөөс нь хуцаж боргох болсон байна. Тэр хавийн айлуудын ярьж байгаагаар зэрлэгшсэн нохой чоноос долоон дор зальтай, хэрцгий бөгөөд хүнээс айдаггүйгээрээ аюултай аж.

Нийслэл Улаанбаатар хотын нэг тулгамдсан асуудал болоод байгаа золбин нохойг сүүлийн жилүүдэд эрчимтэй устгалд оруулж байгаа ч ууланд зэрлэгшиж хүн, мал руу дайрдаг эдгээр зэрлэгшсэн нохдыг нэг тийш нь шийдэхгүй бол зэрлэг нохой хүн малд эрсдэл учруулаад зогсохгүй галзуу, шүлхий зэрэг янз бүрийн малын гоц халдварт өвчний нэг халдвар тээгч нь нохой болдог аж.

Иргэдийн мэдээллэж буйгаар СХД-ийн хороонд зэрлэг нохдын тухай мэдээлэл өгөхөөр яг харагдаж, мал амьтан луу дайрч байгаа үед нь бидэнд мэдээлэл гэчхээд таг болцгоодог байна. Нийслэлийн байгаль орчны газар ан амьтан барьж иддэг зэрлэг нохойн сүргийг хэд хэдэн удаа устгаж байсан мэдээлэл урьд нь гарч байгаагүй байна.