Өнөөдөр буюу 2023 оны нэгдүгээр сарын 03-ны өдөр өрнөх зарим үйл явдлын хураангуйг хүргэж байна.

МИЛЕНИУМ ПЛАЗА

09:00 цагт: Эрүүл мэндийн хөгжлийн төв, БНХАУ-ын Өвөр Монголын Олон Улсын Монгол эмнэлэг хамтран зохион байгуулах олон улсын “Уламжлалт анагаах ухааны эмч нарын мэргэжил дээшлүүлэх эмнэл зүйн сургалт”-ын нээлт болно. Утас: 99077976 /5 давхарын хурлын танхимд/

ТӨРИЙН ОРДОН

10:00 цагт: Зөвлөлдөх санал асуулга зохион байгуулахад туслалцаа үзүүлэх үүрэг бүхий ажлын хэсгийн хуралдаан болж, Зөвлөлдөх зөвлөлд нэр дэвшигчдийн жагсаалтыг танилцуулна. /"Үндсэн хууль" танхимд/

14:00 цагт: Боловсрол, соёл, шинжлэх ухаан, спортын байнгын хорооноос Боловсролын ерөнхий хуулийн төслийн талаарх хэлэлцүүлгийг зохион байгуулна. /“Их Эзэн Чингис хаан” танхимд/

ЦУС СЭЛБЭЛТ СУДЛАЛЫН ҮНДЭСНИЙ ТӨВ

11:00 цагт: Жил бүрийн 1 дүгээр сарын 3-ны өдөр буюу “Цусны донорын Үндэсний өдөр”-ийг 7 дахь жилдээ тэмдэглэн өнгөрүүлэх гэж байна.

ҮНДЭСНИЙ СТАТИСТИКИЙН ХОРОО

14:00 цагт: “Зөвлөлдөх санал асуулгын түүврийн аргазүй" сэдэвт хэлэлцүүлэг болно. Энэхүү хэлэлцүүлгийг "Үндэсний Статистикийн Хороо" пэйж хуудсаар шууд дамжуулна. /201 тоотод/