Нүүрсний хулгайн хэрэг ард түмний анхааралд өртсөн хэвээр л байна. Сар гаруй үргэлжилж байгаа энэ тэмцлийг үргэлжүүлэгчид албан ёсны зөвшөөрөлтэйгөөр нүүрсний хулгайн булхайг дорвитой шийдэх шаардлагыг тавьсаар өнөөдөр ийнхүү 35 дахь өдрөө жагсаж байна. Жагсагчид “эрдэнэс тавтантолгойн бүх хувьцааг 100 хувь ард түмэнд эзэмшүүл”, “ хөрөнгийг хураа”, “ эх орноо худалдагсдын нэрсийг зарла”, “тавантолгойг ард түмэнд өг”, “уурь минь хүрч байна” гэсэн үгс барьж үзэл бодлооо илэрхийлж байлаа. Мөн жагсагчдын төлөөлөл төрд үгээ дайхын тулд төрөл бүрийн арга хэрэглэсэн ч дүлий төрд сонсох ухамсар алга хэмээв.

Нүүрсний хулгайн цаана эрх баригчид өөрсдөө холбогдсон учраас дахин энэ хэргийг сөхөх хүсэлгүй байх шиг байна. Хэрэг үнэн зөвөөр шийдэгдэх нөхцөл харагдахгүй байгаа учраас тэд тэмцэлээ үргэлжлүүлэх боллоо гэсэн юм. Мөн хүний эрх зөрчигдөх асуудал маш их гарч байгаа учраас энэ тал дээр дуу хоолойгоо хүргэхээр урлагийн төрлүүдийг сонгон чимээгүй хэлбэрээр үзэл бодлооо илэрхийлж, тусгаар улсын засгийн газар хүнлэг энэрэнгүй ажиллах ёстойг хэлж байв.

Жагсагчдад олгосон зөвшөөрөл нь 13 цагаас 16 цагийн хооронд буюу 3 цагийн л эрх. Талбайд жагсаал цуглаан хийж үзэло бодлоо илэрхийлэх хүсэлт тавингуут л ямар нэгэн арга хэмжээ давхар зохион байгуулагдаж байдаг болохоор үзэл бодлоо илэрхийлэх эрхээ эдлэхийн тулд залуус шүүхийн байгууллагаар шийдүүлэх гэж байна гэлээ.

Жагсагчид төрд үгээ хүргэхийн хүссэн сар гаруй хугацаанд тодорхой үр дүн гарах магадлал ажиглагдсан ч хууль хүчнийхэн зохих газруудын үйл ажиллагаа хангалттай биш байгаа учраас цаашид энэ тэмцэл үргэлжилнэ хэмээв. Нүүрсний хулгайн хэрэгт акул буюу жинхэнэ том хулгайчид нуугдаж үлдээд байгаа учраас тэр хүмүүсийг л нэн даруй шалгаж хариуцлага тооцох гол зорилготой энэ жагсаалд ард түмний хандлага өндөр хэвээр байна.