Бодлогын алдаа бол төрийн оновчгүй зорилт байндаа тусахгүйгээс нийгмийн амьдралд тогтворгүй байдал үүсэх, эдийн засгийн үзүүлэлтүүд эерэг түвшинд хүрэхгүй байх явдал. Бодлогын алдаа уналт болж хувирахад асуудал улс төрчдөд үү, улс төрийн намд уу, тогтолцоонд уу гэдгийг судалгаагаар л тогтоох ёстой. Өөрөөр бол ард түмэн асуудлын гол нь юунд байгааг өөрсдөө дүгнэх, тодорхойлох бүрэн эрхтэй. Асуудлыг хэд хэдэн хэсэгт ерөнхийд нь хуваан авч үзээд нарийвчлах замаар хэлэлцвэл үр дүнтэй. Харин нэг нам дангаараа нэр хүндгүй, нэг ч гишүүнгүй шахам “нам” гэгчүүдээр түрж хүчээр хийх гэж оролдож буй тогтолцоон шинэчлэл нь бол хэтэрхий гэнэн хэрэг гэдгийг хаа хаанаа ойлгох болов уу.

Улс төр, эдийн засаг нийгмийн шинэчлэл хэлэлцүүлэгт залуус үгээ хэлж оролцох нь сайн хэрэг. Гэтэл ард түмний ухамсарт танигдсан судлаачид, ард түмнийг төлөөлөх хүлээн зөвшөөрөгдсөн эрдэмтэд, сөрөг хүчний нам нь яагаад дугарахгүй, тэднийг оролцуулахгүйгээр үл барам Ардчилсан тодотголтой улс төрийн намыг хүчгүйдүүлэх ажлыг төрийн эрх мэдлийг ашиглан хийж буй үйлдэл гаж буруу. Ардчилал хэрэгтэй ч яагаад гэдэг асуултад хариулах шаардлага гарч байх шиг байна.

Хөгжинө гэдэг ухрахын нэр биш болохоор нэг намын дарангуйлал дахин эргэж ирж болохгүй хүн бүр мэддэг. Харин ардчилал гэдэг ардчилсан намын дан ганцхан өмч биш ч монголын ард түмний сэтгэл зүрх үнэт зүйлийнх нь салгаж болохгүй нэг эд эс болжээ. Ардчилал үзэл санаа биш, өөрөө өөрийгөө хөгжүүлэх, хувьсан өөрчлөгдөх чадвартайгаа харуулсан нийгмийн зохион байгуулалтын хэлбэр. Ийм эрүүл системийг улс төржилтийн буруу уур амьсгалаар боомилох хэлбэрээр өөрчлөх, аль эсвэл анархизм руу түлхэх хандлагууд бүгд буруу болж таарах нь.

Жишээлбэл Ардчилал дураараа дургих төрөө доромжлох, бусдыг гүтгэх бус сэтгэн бодох, хэлэлцэн шийдвэрлэх, чөлөөтэй амьдрах боломж. Зарим өнцөг байр сууриад өнөөдрийг өнгөт хувьсгал гэх ерөнхий нэршилтэй ч монголчуудын нийтлэг уламжлал, үнэт зүйлийг дордуулсан хандлага гаргалаа. Өөрөө өөрийгөө эмчлэх, хувьсан өөрчлөгдөх чадвартай ардчиллыг хамрын ханиадаар хүндрүүлж хатгалгаагаар үхүүлж болохгүй. Бас төр гүндүүгүй дүр төрхийн цаана дэндүү балмад арчаагүй байдлаа нуун далдалсан сул дорой байдалтай удаж болохгүй. Иймд асуудал юунд байгааг судлан тогтоож, ард түмнээр тодорхойлуулж, хамтдаа хэлэлцэн шийдвэрлүүлж эрүүлээр сэтгэх цаг мөн. Гагцхүү тэнэг явцуу улс төржилтөд авталгүй.