Богдхан уулын дархан цаазат газрын хамгаалалтын захиргааны Байгаль хамгаалагч н.Өнөрсайхан, н.Цэдэндамба нар Баруундэлгэр, Айргийн аманд зэрлэг амьтны бэлчээр газруудад 8 боодол өвс, 50 кг хужир байрлууллаа. Хамгаалалтын захиргаанаас био техникийн арга хэмжээний хүрээнд бэлтгэсэн өвс, хужирнаас 7 хоног тутамд үе шаттайгаар амьтны бэлчээрлэх талбайд байршуулах ажил хийгдэж байна.

Мөн Богдхан уулын хот орчмын зарим бүсүүдэд зэрлэг амьтад уулнаас бууж иргэд, аж ахуй нэгжүүдийн байршуулсан өвс тэжээл, хужирт орох үзэгдэл гарч байгаа ба иргэд, аялагчид та бүхний уулаар аялж, алхахдаа хөөж туух, үргээхгүй байх, хамгаалалтын захиргаанд мэдэгдэж хамтран ажиллахыг уриалж байна гэж Богдхан уулын дархан цаазат газраас мэдээллээ.