Цагаан сарын баяр болох дөхлөө. Хаврын урь орох цагаар нүүдэлчин Монголчуудын хуучин жилээ үдэж шинэ оноо угтах урам зориг нь сэргэж аав ээж ах дүү олонтойгоо уулзан золгох ёс заншил, уламжлалын цогц.

Үеийн үед монголчууд хэдэн малынхаа буянаар цагаан сараараа хар цай ууж, хоосон хохиийж үзээгүй. Гэтэл хямралын нөхцөл байдал, хариуцлага муутай төрийн хавсарсагаар амьжиргаагаа өдөр хоногоор залгуулахад хэцүү өрхүүд олон боллоо. Өөрөөр хэлвэл цагаан сар болоход баяр тэмдэглэх нь бүү хэл улаан мөнгөгүй өлөн зэлмэн өрх айл хэд байгааг ядаж манай төр засаг тоолж чадсан уу.

Манай улсад 2022 оны байдлаар 500 шахам мянган хүн зөвхөн тэтгэвэр тэтгэмжийн орлогоор амь зууж, нийт хүн амын мөн тал нь хүнсний бүтээгдэхүүнд л орлогоо зарлагадаж байна.

Өөрөөр хэлбэл нэг сая гаран иргэд ядуу амьдарч төрийн халамжаас өөр орлого олох боломжгүй нөхцөлд байгаа нь тоон баримт. 2015 онд нийт өрхийн 23 хувь нь л ядуу байсан бол 2022 он гэхэд энэ тоо огцом өсч 100 мянга шахсан ажээ.

Баяр тэмдэглэх нь байтугай маргаашаа аргацаахаар толгой гашилгаж буй ард иргэдээсээ харамлахын сайнаар харамлан харин төрийн түшээд нь хэдэн их наядаар нь хулгайлж болдог нь хэтэрхий шударга бус.