Эрүүл мэндийн яамны шинэхэн сайд нь хавдрын өвчин нь эдгэрсэн хүүхдэд “эрэлхэг баатар” хэмээх медаль зүүлгэж гэнэ. Инээдэм ч гэхүү эмгэнэл ч гэхүү. Ийм ч сайдтай байх гэж. Нохойнд хазуулсан хохирогч өвчтнүүдийг түргэн хугацаанд эмчилгээ тулсамж үзүүлэх байтал хазсан нохойг таниулах ажиллагаа гэгч балай юм зохион байгуулсан хэмээн өөрөө ярьсан энэ сайдад эрүүл ухаан байна уу?

Уг нь улс төрчдийг ялангуяа төрийн түшээдийг хамгийн ухаантай, эрдэм боловсролтой манлайлагч гэж ард түмэн сонгодог гэтэл тэд нэг яамны сайд болуутаа л балай учир нь олдохгүй зүйлд улсын төсвийг үрэн таран хийдэг болчих гэж. Эрүүл мэндийн яам хавдрын өвчлөлийг хэрхэн бууруулах, ямар бодлого барих зэргийг тодорхой арга зам, бодлого төлөвлөгөө хөтөлбөр дэвшүүлэн үе шаттай арга хэмжээ авдаггүй юм аа гэхэд ядаж л хүүхэд багачуудын томуу, томуу төст өвчний голомтлон гарч байгаа аюултай нөхцөл байдалд дүн шинжилгээ хийж, шуурхай ажиллах ёстой байлтай.

Хавдраас эсэн мэнд гарсан хүүхдийг сэтгэл санаагаар дэмжин, цаашид хэрхэх дээр нь дэмжлэг туслалцаа үзүүлэх нь зөв ч тэрийгээ хэвлэлээр бичүүлж нэг их том ажил амжуулсан юм шиг попорох хэрэг байхгүй. Энэ мэдээнд иргэдийн хандлага ихээхэн дургүйцэж сайдын үйл ажиллагааг шүүмжилж байлаа. Шүүмжлэх өө хайсандаа биш эрүүл мэндийн салбарын өөрийнх нь бодит дүр төрх юм.

Иргэдийн сэтгэгдэлээ ... Төмөр хүзүүнд нь өлгөх байхаар эм тарианд нь хэдэн төгрөг шийдээд өгчөөч. Шууд эрүүл хүн шиг болчихгүй нөхөн сэргээх эмчилгээ гэж байдаг л байх даа. Хүүхэд эрүүл өсөх орчныг дээрэмдэж тарчлаачихаад Утаагаар утаж түгжрэлд гацааж эцэг эхийн цалин орлого сайтай байх боломжыг дээрэмдэж хааж боож зовоогоод ард нь төмөр.