“Монгол банк болон Хятадын Ардын банк хооронд байгуулсан 15 тэрбум юань буюу 7,25 их наяд төгрөгийг үндэсний мөнгөн тэмдэгт солилцох своп хэлэлцлийн ерөнхий гэрээг шинэчлэн байгуулжээ. Гэрээний хүчин төгөлдөр байх хугацаа нь 3 жил буюу 2026 он хүртэл бөгөөд талууд харилцсан тохиролцсон тохиолдолд хугацааг сунгах боломжтой.

Энэхүү гэрээ нь хоёр улсын худалдаа, эдийн засгийн хамтын ажиллагаа болон санхүүгийн зах зээлийн тогтвортой байдлыг дэмжих зорилготойг Төв банк мэдээлэв.” "Монголын мэдээ " 2023 оны 8дугаар сарын 03 121 (5849) Хувь хүн, өрх гэр бүл, улс гүрэн ялгаагүй аливаа этгээдэд тавьсан өр төлбөр гэдэг бол санаа зовниж нэн түрүүнд шийдвэрлэх хамгийн том асуудал нь.

Гэтэл 2021 онд хоолойд нь тулчхаад байсан юаны өрийг Ерөнхийлөгч хэлэлцээр хийж байж хойшлуулж өгсөн бол энэ удаад Ерөнхий сайд өөрөө өрийн хугацааг хойшлуулах арга хэмжээ авсан нь энэ. Эдийн засгийн ухагдахуунаараа энэ бол огтхон ч баатарлаг үйл хэрэг биш бөгөөд харин ч Монгол Улсын эдийн засгийн аюулгүй байдал улам эмзэг түвшинд очиж байгааг харуулж байгаа юм.

Төсвийн орлого зарлага хоёр эерэг түвшинд тэнцвэржиж чадахгүй зөвхөн амь аргацаасан хэлбэр төдий байгааг олон тоо баримтууд илтгэж байхад экспортын түргэн шуурхай алхам үйлдвэрлэл технологийн сэргээн босголтод найдах гэтэл дотоодын улс төр сонгуульд сэвэгдээд улсын эдийн засагт менежмент хийхийг хойш тавьсан мэт дүр зураг ажиглагдах боллоо. Ерөнхий сайдын АНУ-д айлчилж буй өдрүүдэд тэндээс ямар нэгэн чихэнд чимэгтэй тулгуур болчих мэдээ сэлт горьдсоор.