Эдийн засгийн эрүүл орчин нөхцөлд бол ямар ч зээл зах зээлийн савлагаанд тохирсон зохицуулалттай байх ёстой. Гэтэл сүүлийн жилүүдэд өргөн хэрэглээний барааны үнэ ханш огцом нэмэгдсэнээс үүдэн иргэдийн цалин орлого өрхийн хэрэгцээгээ ч хангах чадалгүй сульдаж орон сууцны зээлээ төлөхөд хүндрэл үүсжээ. Нийслэлийн статистикийн газрын мэдээнээс харвал хүнсний гол нэрийн бараа бүтээгдэхүүний үнэ ханш огтхон ч буураагүй байна.

Энэ иргэдийн худалдан авах чадварыг улам бууруулж хуримтлал үүсгэх байтугай сардаа өр төлбөргүй байхын төлөө бурханд залбирах хэмжээн хүрэв. ЗГ үнийн өсөлтийг зогсоох арга нэгэнт хол учир зээлийн өр төлбөрийн хүүг бууруулах зэрэг арга хэмжээг хэрэгжүүлж ажиллах шаардлага ийнхүү тулгарчээ.

Хэрвээ оновчтой зохицуулалт хийхгүй алгуурлах нь хэрээс хэтэрсээр байвал Монгол Улс ажиллах хүчний алдагдаж орж гадаадад харин Монгол залуус хямд хүчтэй ажиллагсад болдог байдал улам даамжирна.