Удтал дуншсан нүүрс тээвэртэй холбоотой нотлох баримтыг шинжлэн судлах нийтийн сонсголоор Хятад улсын эзэмшлийн нэр бүхий 40 компанид газар эзэмшүүлэх эрх олгосон гэх засаг дарга Х.Нэхийтийн асуудал хурцаар хөндөгдөх сэдвийн нэг болоод байна.

Монгол Улсын Үндсэн хууль, бусад хууль, журмуудад гадаадын иргэн, хуулийн этгээдэд газрыг зөвхөн дуудлага худалдаагаар ашиглуулахыг заасан байдаг. Гэтэл Өмнөговь аймаг, Ханбогд сумын удирдлагууд Үндсэн хууль, Газрын тухай хуулийг зөрчиж, гадаадын ААН-үүдэд газар эзэмшүүлсэн байна.

Харин энэ асуудлаар Монгол Улсын Ерөнхийлөгч асан Х.Баттулга 2022 оны хавар “Говь чинь тэр чигээрээ л Хятад иргэдийн нэр дээр байгаа лиценз шүү дээ. Энийгээ алдсан. Энийг хүртэл нууцалсан” гэсэн үг амнаасаа унагаж байв. Гэтэл тухайн үедээ хууль хяналтын байгууллагаа уг асуудлыг шалгах нь байтугай зарим УИХ-ын гишүүд” Баттулга бол нүүрсний хулгайн автор гэж мэдэгдэж байв.”

Ийнхүү асуудал ар араасаа тодорхой болж эхэллээ. Өөрөөр хэлбэл Тусгаар Монгол Улсын газар нутагт хаанахын ямар ашиг сонирхол байгаа, тэдгээрийг хэн хэрхэн яаж хууль бусаар гадаадын иргэдэд эзэмшүүлдэг процесс ч ийнхүү тодорхой болж байна. Хэдий нам, үзэл бодлоороо талцдаг Монгол Улсын ҮАБ, нийтлэг эрх ашигт нэгдсэн нэг байр суурьтай байх түүхэн үүрэг хэн хэнд нь бий.

Д.ЭНХБАТ