Монголын эдийн засаг ард түмний амьдралыг тэтгэгч нь газраас олборлодог хар алт нүүрс юм л даа. Гэтэл Монголчуудын төрд гарсан нь ард түмнээсээ хулгайлж зараад мөнгөө оффшор дансанд нууж харийн оронд үнэтэй хаус аваад тэндээ гэр бүлээрээ эх орноо харьд худалдсан мөнгөөр тансаглаж амьдарна гэдэг гэр хороололд нялх хүүхдүүд нь шуухитнан уйлагнаж, бээрэн бэмбэгэнэж, ходоод нь хоосон хонгинож буй олон мянган гэр бүлтэй харьцуулбал арай дэндүү цэвдэг ээ. Энэ бол шударга бус дэглэмийн нөлөө. 1937 онд 30 шахам мянган хүнийг хэлмэгдүүлэн хядсан л гэдэг. Гэтэл сүүлийн 30 жилд төрийн буруутай байдлаас болж алтан амиа алдаж, үр хүүхэд нь өнчирч, ирээдүй нь бүрхсэн хэчнээн мянган хүн байгаа бол? Тооцвол бас аймшигтай тоо гарна даа.

Лавтай яа агаарын бохирдол, автомашины осол, хүчирхийллийн золиос болж хүүхэд багачууд цаг бусаар хорвоог орхих нь элэг эмтэлдэг. Бас дэлхийд хорт хавдрын өвчлөлөөрөө тэргүүлж байгаа нүүдэлчин Монголчууд там диваажин гэж байдаг бол тийшээ аажмаар цувран нүүж байгаа хэрэг.

Дасан зохицохуйгаараа дэлхийн хүн төрөлхтнөө хэт давуу бидний онцлог л бидний тэсвэр тэвчээрийн хүлээсийг алдууруулчихсангүй өдий хүрэв бололтой. Тал бүрд дайтан тэмцэж, бүх чадлаараа мачийж бидний үед авч ирсэн тусгаар тогтнол, газар нутаг хүртэл аюулгүй байдлын дархлаагаа алдаж байгаа нь нүднээ илхэн байна.

Ард түмний хилэн амиа золиход ч харамсахгүйгээр ассан хойно л тэдний ахуй амьдралыг хулгайлж болдог ч атга хөрс шороо амь насыг нь нүүрсний мөнгөний дусал, чимхээр торгоож болдоггүйг төрд өөрсдийгөө дархалсан түүнээс улбаалж их хулгайд өөрсдийгөө сойгчид ойлгох биз.

Д.ЭНХБАТ