Ард түмэнд үнэн худлыг ялгах ухаан бий. Хөшигний арын улс төрийн үйл ажиллагаа нь ямагт нийтийн эрх чөлөө, тусгаар тогтнолд хамаарахгүйгээр хэн нэг улс төрчийн хувийн эрх ашгийн наймааны хэрэгсэл болсоор уджээ. Нийгэмд ил тод, шударга ёсыг бодитоор бий болгоход сонгуулийн тогтолцоо нэн чухал. Гэтэл эрх баригчид өөрсдийн хүсэл зоригтой нийцүүлэн Үндсэн хуулийг хүртэл дур зоргоороо өөрчилдөг. Хүний эрхийн зөрчил тоймгүйтэж, авлигал цэцэглэсэн нь манайд нэг намын дарангуйлал биежиж байгааг илтгэж байна. Ардчилсан парламентын засаглалтай Монгол Улсын хувьд ололт амжилтаасаа ухарсан үйлдлүүд нэн зохимжгүй. Улс орныхоо өнө холын ирээдүй, өнөөгийн тулгамдсан асуудалд гарц хайхын оронд засаглах эрхийн төлөө тэмцэлдэн, тэсэж үлдэхүйдээ тэгтлээ анхаарах сул доройтоогүй байлтай. Ирэх оны сонгуульд мөрийн хөтөлбөрийнхөө хэрэгжилтийн тал хувьд ч хүрээгүй, хариуцлага алдсандаа гэмших бус харин ч улс төрийн хороор дахин үнэмлэхүй олонх болохоор шулуудсаны нэг илрэл нь сонгуулийн хуулийг намынхаа тав тух, хүсэлд нийцүүлэх зарим үйлдлүүдээс нь харагдлаа.

Д.ЭНХБАТ