300 тэрбум төгрөгөөр Нийслэлд хуучин автобус шахсан гэх асуудал дуулиан тариад байгаа билээ. Олон нийтийн хурц шүүмжлэлтэй нүүр тулж, хариуцлагагүй бусармаг байдлаас нь болж ард түмэн тэсгим хүйтэнд хөлдүү, ашиглалтаас гарсан нийтийн тээврээр үйлчлүүлэхэд хүрээд байгаа билээ.

Авлигалын аливаа баримтуудыг нийтийн өмнө баримтын сонсгол хийж шударга ил тод байхыг эрмэлзэх болсон нь нэг талаасаа сонгууль хаяанд ирж нөгөө талаасаа олон нийтийн хурц эсэргүүцлээс эмээж буй хэлбэр хэмээн дүгнэхэд хүргэдэг. Ямартай ч зарим талаараа улс төрийн өш хонзон, хор хутгуурын нэг талбар болчих шахаад байгаа нийтийн сонсгол гэх үйл ажиллагаанд эрх баригчдын илт оролцоотой автобусны шахах буюу ил хулгайн мөрөөр баримтуудыг нягтлахыг ард түмэн шаардсаар байна.