Зудын эрсдэл нүүрлэсэн аймаг, сумуудад Засгийн газар тодорхой шийдвэрүүдийг гарган ажиллахаар болжээ. Нийт нутгийн 80 хувь нь зудад нэрвэгдэж малын тоо толгой сая саяараа хоргодож байгаа нөхцөлд юун түрүүнд малчдыг өр, зээлийн дарамтаас түр ч атугай чөлөөлөх хэлэлцээрийн арилжааны банкуудтай хийж, малчны зээлийг 1 жилийн хугацаатай хойшлуулж хуримтлагдах хүүг ЗГ 250 тэрбум төгрөг гарган төлөх бололтой. Харин малчин өөрийнхөө авсан зээлийн хүүгээ хариуцах юм. Ингэснээр цаг тавиртал ямар ч байсан малчид зээлийн төлбөртөө бага ч гэсэн санаа зовних оо болино. Дараагийн үр дүнтэй гэмээр шийдвэр нь цөөн малтай ,малгүй, эсвэл шинээр малчин болох хүмүүст малжуулах төслийн шугамаар мал өгөх юм.

Зарим иргэд “Малчдын зээлийн 75 хувийн хүүг ТӨР төлбөл банкны орлого л болно малжуулах зээл өгвөл харин малчид малтай ч болно зээлээ ч эргүүлээд төлнө” гэж байгаа ч төр малчдаа бодсон шийдвэрээ эргэлт буцалтгүй гаргаж байгаа нь л сайн хэрэг.

Өвс тэжээлийн хэрэгтэй цэгүүдэд нь хүргэхээр ч улаанбуудайг хуваарилаад эхэлжээ.Засгийн газрын нөөц сангаас зудын нөхцөл шаардагдаж буй автомашинуудыг ч шийдвэрлэнэ гэв. Малчдыг бэлтгэлгүй байсан гэхээсээ Засгийн газар онцгой нөхцөлд төлөвлөгөөгүй, эрсдэлээ тооцох чадвар сул байсан боловч энэ зохих шийдвэрүүдийг гаргасан болохоор хохирлыг багасгах нь дамжиггүй.

Д.ЭНХБАТ