Үндсэн хуулийн цэцийн дарга асан Д.Одбаярыг Хонконгод суух Ерөнхий консулаар томилжээ. Тодруулбал, Засгийн газрын 145 дугаар тогтоолоор Монгол Улсаас Бүгд найрамдах Хятад ард улсын Засаг захиргааны онцгой бүс Хонконг хотод суух Ерөнхий консулаар томилох шийдвэрийг өнөөдрийн Засгийн газрын хуралдаанаас гаргасан байна.

Жагарномч ДОРЖИЙН ОДБАЯР

Дорнод аймгийн Чойбалсан хотод төрсөн.

Боловсрол:

1985 онд Дорнод аймгийн 10 жилийн I сургууль,

1987 онд Москва хотын Залуучуудын дээд сургууль, эвлэлийн ажилтан,

1997 онд Энэтхэгийн эрх зүйн үндэсний их сургууль, эрх зүйч, Монгол Улсын гавьяат хуульч цолтой,

2000 онд Голландын Клингиндаелийн академи, дипломатч.

Ажилласан байдал:

1987-1989 онд Дорнод аймгийн Пионерийн зөвлөлийн ХЗЭ-ийн хороонд зааварлагч,

1990-1991 онд МХЗЭ-ийн гүйцэтгэх хорооны тэргүүлэгч гишүүн,

1991-1992 онд Монголын Залуучуудын холбооны хяналтын зөвлөлийн дарга,

1997-2000 онд Хууль зүйн яамны ахлах мэргэжилтэн, Олон улсын эрх зүйн тасгийн ахлагч, газрын дарга, Хууль зүй, дотоод хэргийн яамны Төрийн захиргаа удирдлагын газрын дарга,

2000-2004 онд Дорнод аймгийн Засаг дарга,

2004-2012 онд Монгол Улсын Их Хурлын гишүүн, Хууль зүйн байнгын хорооны дарга, Хууль зүй, дотоод хэргийн сайд,

2013-2016 онд “Альтернатив энерги” ХХК-ний зөвлөх.

2016 оны 11 дүгээр сарын 17-ны өдөр Монгол Улсын Их Хурлаас нэр дэвшин Монгол Улсын Үндсэн хуулийн цэцийн гишүүнээр томилогдсон.

2017 оны 6 дугаар сарын 14-ний өдрөөс 2019 оны 12 дугаар сарын 2-ны өдрийг хүртэл Монгол Улсын Үндсэн хуулийн цэцийн даргаар сонгогдон ажиллаж байв.

Дашрамд дурдахад, Д.Одбаяр онгоцны үйлчлэгчийн биед халдсан үндэслэлээр БНСУ-д саатуулагдаж, мөнгөн торгуулиар торгуулж, улмаар Цэцийн даргаас өөрийн хүсэлтээр чөлөөлөгдөж байв.

Б.ЖАРГАЛ