Банк хоорондын гүйлгээнд IBAN дансны дугаар ашиглаж эхэллээ

Д.Тулга / Эдийн засаг

Монгол Улсын хэмжээнд үйл ажиллагаа явуулж буй арилжааны банкууд 4-р сарын 1-ний өдрөөс эхлэн олон улсын жишгийн дагуу IBAN дансны дугаарлалтын системд шилжиж буй билээ. Өөрөөр хэлбэл, харилцагч банк хоорондын гүйлгээ хийхдээ зөвхөн IBAN дансны дугаар ашиглан гүйлгээ хийдэг болж буй. Харин ХААН Банкны данс хоорондын гүйлгээнд IBAN дансны дугаарыг ашиглах шаардлагагүй.

IBAN гэж юу вэ?

IBAN (International Bank Account Number) нь 20 орон бүхий олон улсын ISO 13616-1, 2 стандартаар хүлээн зөвшөөрөгдсөн дансны дугаарлалт юм. Энэ нь банк хоорондын гүйлгээний нэгдсэн кодчилолтой систем бөгөөд хүлээн авагчийн улс, банкны дугаарыг агуулдаг.

IBAN дансны дугаар ашиглах давуу талууд:

• IBAN дугаарлалт нь хүлээн авагчийн улс орон, банк, дансны дугаар агуулсан тул гүйлгээний хурд нэмэгдэнэ.

• Хүлээн авагчийн дансны дугаар алдаатай эсэхийг шалгаж, шилжүүлэг буцах, саатахаас урьдчилан сэргийлнэ.

• IBAN дансны дугаараар гүйлгээ хийхэд давхардал үүсэхгүй, нэр болон данс зөрүүтэй гүйлгээ хийх тохиолдол гарахгүй.

Албан байгууллагууд мөн IBAN-д бүрэн шилжсэн болно.

ХААН Банкны харилцагч аж ахуйн нэгж байгууллагууд 2025 оны 3-р сарын 16-ны өдрөөс IBAN дансны дугаарлалт руу бүрэн шилжсэн билээ. Иймд харилцагч та бүхэн олон улсын жишиг, шаардлагын дагуу банк хоорондын гүйлгээ хийхдээ IBAN дугаар ашиглаж, шинэ системд хурдтай дасан зохицохыг зөвлөж байна.

IBAN системийн нэвтрүүлэлт нь зөвхөн технологийн шинэчлэл биш, харин Монгол Улсын банкны салбарыг олон улсын стандартад нийцүүлэн, илүү хүртээмжтэй, найдвартай, хурдан болгох томоохон алхам юм. ХААН Банк энэхүү өөрчлөлтийг харилцагчдадаа хамгийн хялбар, ойлгомжтойгоор хүргэхээр ажиллаж байна.

IBAN дансны дугаар ашиглах зааварчилгаа

• Дансны нэгдсэн санд бүртгүүлэх зааварчилгаа авах бол ЭНД,

• IBAN дансны дугаараар гүйлгээ хийх зааварчилгаа авах бол ЭНД,

• Дансны нэгдсэн сангаас лавлан гүйлгээ хийх зааварчилгаа авах бол ЭНД

• Өөрийн IBAN дансны дугаарыг харах зааварчилгаатай танилцах бол ЭНД дарна уу.

Хамтын өсөлт төгөлдөр – ХААН Банк


Сэтгэгдэл

Иргэн [202.55.188.90] 2025-04-03 11:57:25

Зөвхөн Нэг ширхэг IBAN дансны оронд Утасны дугаараа бүртгүүлээд хялбар төлбөрөө хүлээн авах боломжтой, олон улсын стандартад нийцүүлж байна, юмаа мэдкү бол битгий мэдэмхийрч яриарай

Зочин [103.57.93.244] 2025-04-02 19:55:17

Төгрөгийн дансанд ийм олон улсын IBAN дугаар хэнд хэрэгтэй юм бэ! Амьдралыг хөнгөвчлөх бус улам төвөгтэй болгох юм. Энэ банкныхан арын хаалгаар их сургуульд орж, арын хаалгаар дүнгээ тавиулж, шалгалтуудаа хуулж төгссөн нь үнэн байна.


2 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
2 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.