Аялал жуулчлалыг нэмэгдүүлэх, олон орны хоолны соёлыг таниулах, хотын соёлыг түгээх зорилгоор “UB food” фестиваль өнөөдрөөс долоо хоногийн хугацаанд Сүхбаатарын талбайд болж байна. Тэгвэл уг фестивалийн талаар хүнсний инженер О.Гал-Очир пэйж хуудсаараа дамжуулан сэтгэгдлээ ийнхүү бичжээ.

Хүнсний инженер О.Гал-Очир “Гадуур ажилтай явж байгаад өнөөдөр чинь UB Food festival нээж байгаа юм чинь очоод өдрийн хоол идчихье гээд хальт очлоо. Бөөн оочер. За яахав, дуусах болоогүй тул дараа ирье гээд ойрхон газар хооллоод сууж байтал фэйсбүүкээр нэг өлөн ховдог Монголчууд гэжээ. Жагсаж цугладаггүй юм байж турж үхэх гэж байгаа юм шиг оочерлоод гэж мэгцэн.

Хоол бол маш сайхан зүйл шүү. Тэр тусмаа орон орны хоолыг нэг дороос идэж үзэх боломж гэдэг маш том боломж. Харин ч street food гээд гадааддаа ил задгай хийж зардаг хоолнуудыг маш том битүү байгууламж бариад дотор оруулж байгааг нь харахад л зохион байгуулалтыг харж болохоос гадна энэ төрлийн фестивальд маш их ач холбогдол өгч байгаа нь харагдаж байна.

Хатуухан хэлэхэд үндэсний олигтой хоол гэх зүйлгүй байж өөр орны хоолыг сонирхож очсоны төлөө ажилгүй амьтад, өлөн гарууд, турж үхэх гэсэн хүмүүс гэсэн шүүмжлэл хэлж байгаа хүмүүсийн хандлага өөрөө их асуудалтай шүү.

Дээр нь уран мурааны жагсаалд ирдэггүй юм байж хэмээн шүүмжүүдээ чимэглэчихжээ бас.

Будаа агшаагаад махтай холиод түмэн янзаар нэрлэж иддэг байж өөр улсын хоолыг яагаад сонирхож болохгүй гэж. Ажлын цагаар хоол эргүүлдэж байгаа нь яагаад буруу гэж.

Хоол бол хүний анхдагч хэрэгцээ. Эрүүл мэндэд шууд нөлөөлөхөөс гадна таашаалын хамгийн том хэлбэр юм шүү дээ.

Өлөн инженер нь дуусахаас нь өмнө очиж өлөнтөнө өө. Хүнсний Инженер Оюунгэрэлийн ГАЛ-ОЧИР” гэжээ.