Монгол Улсын Их Хурал (Парламент) нууц санал хураалтын үр дүнд Ерөнхий сайд Лувсаннамсрайн Оюун-Эрдэнийг огцруулах тухай тогтоолыг баталлаа. Тэрбээр шинэ Ерөнхий сайд томилогдох хүртэл үүрэгт ажлаа үргэлжлүүлэн гүйцэтгэх юм гэж Монголын парламентын хэвлэлийн албанаас мэдээлэв.

Монгол Улсын Их хурлын хэвлэлийн алба "Монгол Улсын Их Хурлын чуулганы дэгийн тухай хуулийн дагуу Ерөнхий сайдад итгэл хүлээлгэхийн тулд 64 гишүүн буюу олонхи дэмжих шаардлагатай байсан. Гэвч нууц санал хураалтаар олонхи гишүүн итгэл хүлээлгээгүй тул Засгийн газрын тэргүүнийг огцруулах асуудлыг хэлэлцэх тогтоол батлагдсан" хэмээн мэдээлжээ.

Ерөнхий сайдын эсрэг ба түүнийг дэмжигчид

Ерөнхий сайдын хүү өндөр орлоготой байгаа явдал олон нийтийн шүүмжлэлд өртөж, хүмүүс түүнийгээ батлах нотолгоо шаардсаар байна. Мөн нэгэн асуудал нь Монгол Улсын Их Хурлаас 2024 онд баталсан Үндэсний баялгийн сангийн тухай хуультай холбоотой бөгөөд энэ хууль нь улсын байгалийн баялгаас иргэн бүр тэгш ашиг хүртэх боломжийг бүрдүүлэх ёстой гэж үздэг.

Жагсагчдын зарим нь Ерөнхий сайдыг хамгаалж, стратегийн ач холбогдол бүхий томоохон ордуудыг улсын мэдэлд авч, Үндэсний баялгийн сангийн хөрөнгийг нэмэгдүүлэхийг шаардаж байна.

Монголын парламентын мэдээлснээр, УИХ-ын дарга Дашзэгвийн Амарбаясгалан огцорсон Ерөнхий сайдад шинэ Засгийн газрын тэргүүн томилогдох хүртэл үүрэг гүйцэтгэгчээр ажиллахыг даалгажээ. Хуулийн дагуу Монгол Улсын шинэ Ерөнхий сайдыг 30 хоногийн дотор томилох ёстой.

Сүүлийн өдрүүдэд Улаанбаатар хотын төв талбайд тайван жагсаал, пикет (тайван, хүч хэрэглэлгүйгээр эсэргүүцлээ илэрхийлэх арга) болж байна.

Эдгээрийн нэг дээр жагсагчид Ерөнхий сайдыг огцрохыг шаардахын сацуу түүний 22 настай хүү сүйт бүсгүйдээ өндөр үнэтэй бэлэг (үнэт эдлэл, автомашин, хэдэн мянган ам.долларын үнэтэй брэнд цүнх) өгсөн талаар тайлбар өгөхийг шаарджээ.

Тэдгээр бэлгүүдийн зургуудыг сүйт бүсгүй нь олон нийтийн сүлжээнд нийтэлсэн байна.

Эх сурвалж: TASS
Б.ЖАРГАЛ