ОХУ-ын Ерөнхийлөгч В.Путин зургадугаар сарын 12-ны өдөр мэдэгдэл хийж, "Нисгэгчгүй онгоцны бодит байлдаан дахь үр ашиг хурдацтай сайжирч байгаа тул ОХУ цаашид нисгэгчгүй системийн арми бүрдүүлэн, түргэн шуурхай, үр ашигтай байрлуулж, хөгжүүлнэ" гэжээ.

В.Путин мөн өдөр болсон 2027-2036 он хүртэлх үндэсний зэвсэг, техник хэрэгслийн төлөвлөгөөг хянан хэлэлцэх хурлын үеэр зэвсэгт хүчний систем, цэргийн техник хэрэгсэлд хамгийн сүүлийн үеийн дижитал технологи, хиймэл оюун ухааныг өргөнөөр ашиглахыг цэргийнхнээс шаардав.

В.Путин хэлэхдээ, дрон нь дайсны хуягт техник, бэхлэлт, холбооны систем, тээврийн хэрэгсэл, бие бүрэлдэхүүнийг устгаад зогсохгүй тагнуул, мина буулгах, цэвэрлэх ажиллагаа зэрэгт өргөнөөр ашиглагддаг. ОХУ нисгэгчгүй нисэх хүчний боловсон хүчнийг сургах, үйлдвэрлэх, хангах чиглэлээр арвин туршлага хуримтлуулсан тул нисгэгчгүй нисэх хүчний бие даасан салбарыг бүрдүүлэхэд хангалттай гэжээ.

Г.БЯМБА