2025 оны зургадугаар сарын 17-ны өдөр болох үйл явдлын
товч мэдээллийг хүргэж байна.

09:00 цагт: “Үндэсний зайнаас тандан судлал болон нам орбитын хиймэл дагуул” хурал ШУА-ийн төв байранд болно.

11:00 цагт: Эдийн засгийн бодлого, өрсөлдөх чадварын судалгааны төвөөс дэлхийн өрсөлдөх чадварын жилийн тайлан, Монгол Улсын 2025 оны өрсөлдөх чадварын үр дүнг танилцуулна.

11:00 цагт: Монгол Улсын нийгэм, эдийн засгийн 2025 оны 5 дугаар сарын үзүүлэлтүүд танилцуулах хэвлэлийн хурал Үндэсний Статистикийн хорооны байранд болно.

11:00 цагт: “Ган цөлжилтэй тэмцэх өдөр”-ийг тохиолдуулан цөлжилт, газрын доройтол, гангийн асуудлаарх нээлттэй хэлэлцүүлэг Төв номын сангийн салбар 2 байранд болно. Холбогдох утас: 99214088

15:00 цагт: Төвөд судлалын талаарх хамтарсан хэлэлцүүлэг ШУА-ийн Олон улс судлалын хүрээлэнд болно. Холбогдох утас:92006999

-Дэлхийн ган цөлжилттэй тэмцэх өдөр тохиож байна.

-Улаанбаатар биенналь урлагийн наадам энэ сарын 20-ныг дуустал үргэлжилнэ.

Орон нутагт:

-Архангай аймгийн музейд “Байгалийг ойроос” түр үзэсгэлэн 7 дугаар сарын 28-ныг хүртэл гарч байна.

Хилийн чанадад:

-Чехийн Үндэсний музейд “Чингис хаан” олон улсын үзэсгэлэн 6 дугаар сарын 22-ныг хүртэл гарч байна.

Э.ЭГШИГЛЭН