Нийгмийн даатгалын үндэсний зөвлөлийн ээлжит хурал болж, дөрвөн тогтоолын төсөл, хоёр танилцуулгыг хэлэлцжээ. Хурлын эхэнд нэрийн дансны 2024 оны орлогод тооцох хүүгийн хэмжээг тогтоох тухай Нийгмийн даатгалын үндэсний зөвлөлийн тогтоолын төслийг хэлэлцсэн байна.

Даатгуулагчийн тэтгэврийн даатгалын нэрийн дансны 2024 оны орлогод тооцох жилийн хүүгийн хэмжээг 11.34 хувиар тогтоожээ. Түүнчлэн нас барсан даатгуулагчийн гэр бүлийн гишүүнд олгох тэтгэмжийн хэмжээг гурван сая төгрөг болгон нэмсэн байна. Харин амьгүй донор болж эс, эд, эрхтэнээ бусдад шилжүүлсэн даатгуулагчийн гэр бүлийн гишүүнд олгох тэтгэмжийн хэмжээг 4.5 сая төгрөг болгож өөрчилжээ.

Сэргээн засах болон сувиллын тусламж,үйлчилгээний төлбөрийн үйлдвэрлэлийн осол, мэргэжлээс шалтгаалсан өвчний даатгалын сангаас олгох хэмжээг 110 мянган төгрөгөөр тогтоосон байна.

Э.ЭГШИГЛЭН