Машин хулгайд алдагдах гэмт хэрэг сүүлийн үед нэмэгдэж байна. Энэ оны эхний найман сарын байдлаар тээврийн хэрэгсэл хулгайлсан 220 хэрэг цагдаагийн байгууллагад бүртгэгдэн байна. Мөн сүүлийн үед хоёр дугуйт тээврийн хэрэгслээ алдах тохиолдол нэмэгдсэн тул иргэд өөрийн өмч хөрөнгөө хамгаалж, болзошгүй эрсдэлээс сэргийлэх шаардлагатайг анхаарууллаа.

ТЦА-ны урьдчилан сэргийлэх албаны ахлах мэргэжилтэн Э.Гандуулга "Машин болон хоёр дугуйт тээврийн хэрэгсэл хулгайд алдагдах тохиолдол бүртгэгдэж байна. Машинаа хөдөлгүүр нь асаалттай, цоожлохгүйгээр түр орхих нь хүмүүст боломж олгодог" гэв.