Беларусь улсын нийслэл Минск хотноо 23 дахь удаагийн самбо бөхийн “Ерөнхийлөгчийн цом”-ын олон улсын тэмцээн боллоо. Уг тэмцээнд Монголын баг тамирчид амжилт дүүрэн оролцжээ.

ОХУ, Гүрж, Беларусь, Монгол, Казахстаны бөхчүүд оролцсон уг тэмцээнээс монголын самбочдоос эрэгтэйчүүдийн 68 кг-д Д.Алтансүх, 74 кг-д Н.Хадбаатар, эмэгтэйчүүдийн 68 кг-д Ц.Батцэцэг нар алтан медаль хүртсэн бол Ч.Аззаяа, Л.Өнөболд нар мөнгө, Д.Пүрэвдорж, Б.Серик, Ч.Ойдовчимэд нар хүрэл медаль хүртжээ. Мөн байлдааны самбо бөхийн 62 кг жинд Ц.Төгсболд мөнгөн медалийн эзэн болжээ.