Мөнгөний бодлогын хүүг 11 хувьд хэвээр үлдээх шийдвэр гаргажээ

Б.БУРМАА / Эдийн засаг

Улирал тутамд хуралддаг Монголбанкны Мөнгөний бодлогын хороо өнөөдөр хуралдаж гаргасан шийдвэрээ танилцууллаа. Хурлаас бодлогын хүүг 11 хувьд хэвээр үлдээх шийдвэр гаргажээ. Монголбанкны бодлогын хүүг хэвээр хадгалах энэ удаагийн шийдвэр нь инфляцыг дунд хугацаанд зорилтот түвшний орчимд тогтворжуулах зорилготой нийцэх бөгөөд эдийн засаг, бизнесийн идэвхжлийг дэмжинэ хэмээн үзжээ

Энэ талаар Монголбанкны дэд Ерөнхийлөгч Б.Лхагвасүрэн "Макро эдийн засгийн өнөөгийн байдал, ирээдүйн төлөв, гадаад дотоод орчны тодорхой бус байдал, эрсдлийг харгалзан үзээд Мөнгөний бодлогын хороо бодлогын хүүг энэ удаад хэвээр байлгахаар шийдвэрлэлээ.

Эдийн засгийн гадаад орчин, дотоод идэвхжлийг харгалзан үзэхэд инфляц зорилтот түвшний орчимд тогтворжих хандлага хэвээр байна. Жилийн инфляц 2019 оны 5 дугаар сард улсын хэмжээнд 7.9 хувьтай гарлаа.

Өнгөрсөн сараас дэлхийн худалдааны сөргөлдөөн гүнзгийрч, АНУ, БНХАУ импортын зарим барааны тарифыг харилцан нэмэгдүүлсэн нь дэлхийн эдийн засгийн өсөлт, түүхий эдийн үнийн цаашдын төлөвт сөргөөр нөлөөлөх эрсдэлийг бий болгож, гадаад орчны тодорхой бус байдлыг нэмэгдүүллээ. Цаашид худалдааны нөхцөл муудаж болзошгүй байгаа нь уул уурхайн томоохон төсөл хэрэгжиж дуусах, гадаад өрийн том дүнтэй эргэн төлөлт эхлэх хугацаатай давхцаж байна.

Иймд макро эдийн засгийн бодлогын дотоод, гадаад тэнцвэрийг хадгалахад чиглүүлэх, улс орон, аймаг, орон нутаг, байгууллага, өрх гэр, хувь хүн хуримтлал, санхүүгийн нөөцөө нэмэгдүүлэх шаардлага эн тэргүүнд тавигдаж байна." гэв.

Монголбанкны Мөнгөний бодлогын газрын захирал Б.Баярдаваа "Суурь инфляц 2018 оны хоёрдугаар улирлаас хойш 4-5 орчим хувь дээр тогтвортой байгаа. Сүүлийн үед инфляцийн хэлбэлзэл дотор мах, түлш, бинзен гэх гурван бүтээгдэхүүн өндөр жин дарж байна. (Махны үнэ зөвхөн тавдугаар сард гэхэд 10.8 хувиар өссөн)

Инфляцийн төсөөллийн тухайд 2019 оны дөрөвдүгээр улиралд 7-8 орчим хувьтай, 2020 оны байдлаар 7.8 хувьтай байх голч таамаглал байна. Харин 2021 оноос инфляц 6.4 хувь руу аажмаар буурах төсөөлөлтэй байгаа. Эдийн засгийн өсөлт 2019 онд 7.3 хувьтай, 2020 оны өсөлт зургаан хувьтай байх суурь төсөөлөл боловсруулсан.

Түүнчлэн эдийн засгийн гадаад байдал их салхитай байна. Өнгөрсөн сараас дэлхийн худалдааны сөргөлдөөн гүнзгийрч, АНУ, БНХАУ импортын зарим барааны тарифыг харилцан нэмэгдүүлсэн нь дэлхийн эдийн засгийн өсөлт, түүхий эдийн үнийн цаашдын төлөвт сөргөөр нөлөөлөх эрсдэлийг бий болгож, гадаад орчны тодорхой бус бус байдлыг нэмэгдүүллээ.

Цаашид худалдааны нөхцөл муудаж болзошгүй байгаа нь уул уурхайн томоохон төсөл хэрэгжиж дуусах, гадаад өрийн том дүнтэй эргэн төлөлт эхлэх хугацаатай давхцаж байна.Иймд макро эдийн засгийн бодлогын дотоод, гадаад тэнцвэрийг хадгалахад чиглүүлэх, улс орон, аймаг, орон нутаг, байгууллага, өрх гэр, хувь хүн хуримтлал, санхүүгийн нөөцөө нэмэгдүүлэх шаардлага энэ тэргүүнд тавигдаж байна.

Гадаад орчны болзошгүй эрсдэлийг хохирол байгаатайгаар даван туулж, эдийн засгийн дунд, урт хугацааны тогтвортой байдлыг хангахад төсвийн сахилга бат, банкны салбарын эрсдэл даах чадвар, төв банкны бие даасан, хараат бус байдлыг нэмэгдүүлэх нь чухал байна. Энэ оны аравдугаар сард Монгол Улс саарал жагсаалтад орох үгүй нь шийдэгдэнэ" хэмээн хэллээ.


Сэтгэгдэл

ERGUU [182.160.34.201] 2019-06-20 09:30:38

ERGUUNUUDEE ENE DOLLARIIN USULTIIG ZOGSOOH BODOL BNYYY, DAMPUURLAA ENE ULS FAAAAAAAAAAAAAAAAK

Зочин [202.55.180.58] 2019-06-19 17:47:30

ЭЗ ын суурь хүү болох МБ ны бодлогийн хүүг яагаад зоригтой бууруулж болдоггүй юм бэ. энэийгээ буулгаад эхэлвэл дагаад банкуудын зээл , хадгаламж, монголбанкны үнэт цаасны хүү ч буурах , эдийн засгийн эргэлт сайжирах талтай байсан


2 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
2 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.