ХХБанкны Ерөнхийлөгч Б.Мэдрээ Монголын банкны холбооны ерөнхийлөгчөөр дахин томилогдлоо

2019 оны 9-р сарын 5-ны өдөр Монголын банкны холбооны Ерөнхийлөгчийн сонгууль зохион байгуулагдаж, Худалдаа, хөгжлийн банкны Ерөнхийлөгч Б.Мэдрээ олонхын саналаар сонгогдлоо.
Холбооны дүрэмд зааснаар Ерөнхийлөгч нь Үндсэн гишүүд буюу Монгол Улсын нутаг дэвсгэрт арилжааны банкны үйл ажиллагаа эрхлэх тусгай зөвшөөрөл бүхий хуулийн этгээдийн төлөөлөл байх ба Чуулганаар 2 жилийн хугацаатай сонгогддог.
ХХБанкны Ерөнхийлөгч Б.Мэдрээ нь Монголын Банкны Холбооны ерөнхийлөгч байх хугацаандаа зээлийн хүүг бууруулах арга хэмжээг цааш үргэлжлүүлэн, цогц арга хэмжээ авч үр дүнтэй ажиллахаа илэрхийлсэн юм. Түүнчлэн банкны үйл ажиллагааны зардлыг бууруулах хүрээнд банкнуудад давхардан гарч буй зардлуудыг нэгтгэх, финтек компаниудаар гүйцэтгүүлэх талаар манлайлан ажиллахаа мэдэгдлээ.
Мөн тэрээр өмнө нь Монголын банкны Холбооны Ерөнхийлөгчөөр нэг удаа, Дэд ерөнхийлөгчөөр 2 удаа тус тус сонгогдон ажиллаж байсан төдийгүй банк санхүүгийн салбарт 30 гаруй жил ажиллахдаа томоохон ажлуудыг санаачлан хэрэгжүүлсэн туршлагатай банкир юм. Тухайлбал:
• Хоёр шатлалт банкны тогтолцоог анхлан санаачлагчдын нэг;
• Орон сууцны 8%–н зээлийг анхлан санаачилсан;
• Японы олон улсын хамтын ажиллагааны банк (JBIC)-ны “Жижиг, дунд үйлдвэрлэлийг дэмжих, байгаль орчныг хамгаалах 2 үе шаттай төслийн зээл”–ийн хөтөлбөрийг Монголын арилжааны банкнуудад хэрэгжүүлэх ажлыг санаачлагч;
• Банкин дахь мөнгөн хадгаламжид баталгаа гаргах тухай болон зээлийн мэдээллийн сангийн тухай хуулийн төслүүдийг санаачилж байсан.
Азаров: Мөргөлдөөн дууссаны дараа Украин 185 тэрбум ам.долларын өрөө эргүүлэн төлнө
Ерөнхий сайд Г.Занданшатар "ДЦС-3" ТӨХК-д ажиллаж, онцгой дэглэмийн хүрээнд өгсөн үүрэг, даалгаврын биелэлттэй танилцлаа
Баярын амралтын өдрүүдэд нийслэлийн хэмжээнд ажиллах өрхийн эмнэлгүүд
Шинэ гарди Н.Өсөхбаярыг эдэлбэр газар бүхий хаусаар мялаалаа
Туул, Тэрэлж, Хэрлэн гол дагуу хөдөлгөөнт болон завьт эргүүл ажиллаж байна
ХӨСҮТ: Улаанбурхан өвчний батлагдсан тохиолдол 12400 болжээ
УИХ эрх зүйн орчны “ГУРВАН ТӨГӨЛДӨРШИЛ”-ийн бодлогыг 8 Байнгын хороотойгоор хэрэгжүүлнэ
“Трамп Зеленскийд Москвад цохилт өгөхийг уриалж байгаагүй”
Улсын гарди Н.Өсөхбаярыг нутгийн зон олон нь гурван өрөө байраар мялаажээ
Бөхийн өргөөний уулзвараас Натурын зам хүртэлх авто замыг хааж, шинэчилж байна