Мали улсын хойд нутгийн цэргийн харуулын байранд террорист халдлага үйлдсэний улмаас 53 цэрэг, 1 энгийн иргэн амиа алдсан гэж тус улсын Засгийн газар бямба гарагт мэдэгджээ.

“Лалын улс” бүлэглэл “Amaq” мэдээллийн агентлагаар дамжуулан уг халдлагын хариуцлагыг хүлээсэн боловч ямар нэгэн баримт нотолгоог дэлгээгүй байна.

АНУ-ын цэргийн хүчний тусгай ажиллагаагаар “Лалын улс” бүлэглэлийн толгойлогч Абу Бакр аль-Багдадиг устгаснаас хойш тус бүлэглэл хэд хэдэн улсад болсон олон арван халдлагын хариуцлагыг хүлээжээ.

Эх сурвалж: CNN