“Metallica” хамтлаг АНУ-ын Калифорни муж улсад гарсан түймэрт өртөгсдөд зориулж 100 мянган ам.долларыг “Бүгд бидний гарт” сангаараа дамжуулан хандивласан тухайгаа твиттер хуудсандаа мэдээлжээ.

Хандивын мөнгийг “Wildfire Relief Fund”, “Sonoma County Resilience” гэсэн байгалийн гамшгийн уршигтай тэмцэхэд тусалж байгаа хоёр санд хуваарилах юм байна.

“Metallica” хамтлагийнхан шүтэн бишригчдэдээ хандаж тэдний жишээг дагахыг уриалжээ. Өнгөрөгч жил тус хамтлаг түймэртэй тэмцэхэд мөн олон мянган доллар хандивлаж байсан бол 2017 онд Сан-Франциско хотод буяны тоглолт хийж байжээ.

Эх сурвалж: Gulfnews.com