Зочид буудлуудыг хөл хорионы төв болгон сонгох явцад хээл хахууль нэхсэн асуудлыг шалгаж эхлэв

Зочид буудлын эздээс буудлыг нь хөл хорионы төв болгож өгнө хэмээн мөнгө нэхсэн этгээдүүдийг эрэн сурвалжилж эхэлсэн талаар Батлан хамгаалах яам мэдэгдэв. Зочид буудлуудаас ирсэн мэдээллийн дагуу шалгах хангалттай үндэслэл байгаа талаар тус яамны хэвлэлийн төлөөлөгч Конгчийп Тантраванич мэдэгдсэн байна. Тэрээр “Зүүн бүсийн зочид буудлын нийгэмлэгийнхэн хөл хорионы төв болгож өгнө хэмээн мөнгө нэхсэн асуудлыг хөндсөн” гэв. Тэрээр батлан хамгаалах салбарын болон Нийтийн эрүүл мэндийн яамны нэг ч албан хаагч энэхүү үйл ажиллагаанд холбогдоогүй, хэрэв ийм асуудал гарсан нөхцөлд хатуу арга хэмжээ авна гэсэн болно. Хэрэв эдгээр байгууллагын албан хаагчтай холбоотой асуудал байвал сахилгын болон эрүүгийн хариуцлага тооцох асуудал гарна гэдгийг тэрээр тэмдэглэв. Тай медиагийн мэдээллээр бол хэд хэдэн сэжигтэн Паттая дахь зочид буудлын үйлчилгээ эрхлэгчдэд хандан хэрэв зочид буудал нь сонгогдсон нөхцөлд төрөөс олгож буй мөнгөний үнийн дүнгийн 40 хүртэл хувийг зуучилсны хөлсөнд авахаар ярьсан гэжээ. Хөл хорионы төв болгон ашиглаж буй зочид буудлуудад нэг хүний нэг өдөрт 1000 бат олгож буй юм. Тус улс 14 хоногийн хөл хорионы дэглэм мөрдөж байгаа ажээ. Батлан хамгаалах яам болон Нийгмийн эрүүл мэндийн яам нь 2 дугаар сараас хойш хилийн чанадаас ирж буй иргэдийнхээ 14 хоногийн хөл хорионы асуудлыг зохицуулж байгаа юм. Өнөөдрийн байдлаар корона вирусийн дэгдэлтийн улмаас хилийн чанадаас 80000 гаруй иргэдээ татан авч хөл хорионы төвүүдэд байршуулаад байгаа юм. Шалгалтын ажиллагааг урагшлуулахад бизнесийн төлөөллийнхөн мэдээлэл өгч байхын чухлыг Нийтийн эрүүл мэндийн яамны сайд Анутин Чарнвиракул онцлов.
Эх сурвалж: АТГ
Засгийн газрын хуралдаанаар 29 хороо зөвлөлийг татан буулгах шийдвэр гаргалаа
Гандантэгчэнлин хийдийн төв талбайг байгалийн чулуун хавтангаар шинэчилжээ
Үндэсний их баяр наадмын нээлт ёслол төгөлдөр болж өндөрлөлөө
Ж.Золжаргал: Эдийн засгаа өсгөхийн тулд төсөв тэлэх биш хөрөнгө оруулалт, бизнесийг дэмжих хэрэгтэй байна
Япон Улсын Цог Жавхлант Эзэн Хаан Нарүхито, Эрхэм дээд Хатан Масако нарыг хүндэтгэн төрийн зоог барилаа
Монгол Улсын Засаг захиргаа, нутаг дэвсгэрийн нэгж, түүний удирдлагын тухай хууль (шинэчилсэн найруулга)-д өөрчлөлт оруулах тухай хуулийн төслийг өргөн мэдүүллээ
"Диого Жота хурд хэтрүүлсний улмаас осолдож амиа алдсан байж болзошгүй гэсэн урьдчилсан дүгнэлт гарчээ
ЦХИХХЯ-ны Төрийн нарийн бичгийн дарга П.Алтан-Одыг ажлаас нь чөлөөлж, хуулийн байгууллагаар шалгуулна
Япон Улсын Цог Жавхлант Эзэн Хаан Нарүхито “Монгол Коосэн технологийн коллеж”-д зочиллоо
"Багануур"-ын уурхайчид ТУЗ-ийнхөө шийдвэрийг эсэргүүцэж, ажил хаялт зарлахаа илэрхийллээ