ХҮҮХДИЙН БАЯРААР ХҮҮХДҮҮДЭД AR САНАМЖТАЙ, QR КОДТОЙ БУГУЙВЧ ТАРААНА

Aдмин / Нүүр

Олон улсын хүүхдийн эрхийг хамгаалах өдрөөр НЗДТГ, Нийслэлийн Гэр бүл, хүүхэд, залуучуудын хөгжлийн газар зэрэг байгууллагууд хамтран “Нэгдүгээрт хүүхэд” уриан дор “Монгол хүүхдүүд” арга хэмжээг зохион байгуулна.

Хүүхдийн баяраар араах дөрвөн чиглэлд зургаадугаар сарын 1-ний 08:00-20:00 цаг хүртэл зам хааж, хүүхдүүдэд зориулсан үйл ажиллагаа зохион байгуулах юм.

  • Монголын Хүүхдийн ордны уулзвараас Шангри-ла төв хүртэл (Гэндэний гудамж)
  • Хүмүүнлэгийн ухааны их сургуулийн уулзвараас Централ тауерын урд уулзвар хүртэл (Их сургуулийн гудамж)
  • Чингис хаан музейн уулзвараас Төв шуудангийн уулзвар хүртэл (Чингисийн гудамж)
  • Ус, цаг уурын хүрээлэнгээс Төрийн ордны баруун талын уулзвар хүртэл (Жуулчдын гудамж)
  • “Галлериа” худалдааны төвөөс Спортын төв ордон хүртэл (Амарын гудамж).

Мөн Хүүхэд хамгааллын баг найман байршилд ажиллаж, хүүхдийг төөрөх, алга болох, болзошгүй эрсдэлт өртөхөөс урьдчилан сэргийлэх зорилгоор эцэг эхийн утасны дугаар тэмдэглэх хэсэг бүхий AR санамжтай, үйл ажиллагааны хөтөлбөр QR кодтой бугуйвчийг тараана. Түүнчлэн явуулын автобус байршуулж, төөрсөн хүүхдийг эцэг эх, асран хамгаалагчид нь хүлээлгэн өгөх юм. Хүүхдийн баярын Ажлын хэсгийн дарга, Нийслэлийн Засаг даргын орлогч З.Төмөртөмөө хүүхдийн эрх зөрчигдөх, хүүхэд эрсдэлд өртөхөөс сэргийлж ажиллахыг үүрэг болгов. Мөн дараах үүрэг, даалгаврыг холбогдох байгууллагуудад өглөө. Тухайлбал,

  • Монголын хүүхдийн ордны хойд талаас талбай хүрэх, талбайгаас Шангри-ла худалдааны төвийн чиглэлд баярын парад алхахад аюулгүй байдлыг хангаж ажиллах,
  • Төлөвлөсөн хэсгүүдэд хоол, хүнсний үйлчилгээ үзүүлэх ААНБ, иргэдэд сургалт хийх, эрүүл ахуйн шаардлага хангуулж, хяналт тавих,
  • Д.Сүхбаатарын талбай болон хөдөлгөөн түр хаасан хэсгүүдийн цэвэрлэгээ үйлчилгээ, зам талбайн усалгаа хийх, хог хаягдлыг тээвэрлэх ажлыг зохион байгуулах. Зөөврийн хогийн савуудыг олноор байршуулах,
  • Хүүхдэд зориулсан хөдөлгөөнт болон хийлдэг тоглоомуудыг бүртгэж, хяналт тавьж ажиллах,
  • Арга хэмжээний үеэр эрүүл мэндийн шуурхай тусламж үйлчилгээ үзүүлэх гурван багийг бэлэн байлгаж, үйлчилгээ үзүүлэх,
  • Хүүхдийн баяраар хүүхдийг үнэгүй тээвэрлэх болон Замын хөдөлгөөнийг түр хугацаагаар хааж буйтай холбогдуулан нийтийн тээврийн хэрэгслийн чиглэлд зохицуулалт хийх,
  • Олон нийтэд зориулсан арга хэмжээг зохион байгуулахдаа хүүхдийн аюулгүй байдлыг хангаж, хамгаалахад анхаарч ажиллах зэрэг үүрэг өгөв.


Сэтгэгдэл

зочин [202.9.41.22] 2023-05-30 08:39:09

3хан сая хүн амтай байж үржихгүй тэгээд үрэгдээд дуусах уу битгий хачин юм яриад бай ард иргэд байж улс тогтоно биз дээ ,,,,

Анастасия [185.2.30.245] 2023-05-30 06:22:25

доброго времени. хачу сделать заказ, можете мне перезвонить? наберите 89686803080 Анастасия.

Зочин [202.126.90.118] 2023-05-29 21:20:48

Монгол эмэгтэйчүүд ядуугаа мэдээд, хүүхэд битгий гаргаад байгаач ээ! Ядуу эмэгтэйчүүдийн хүүхдүүд хүчирхийлэлд л өртдөг юм. Эм уудаг юм уу, бүр үрийн сувгуудаа боох арга хэрэглэх ёстой. Монгол улсын нийт эмэгтэйчүүдийн 60 хувь нь ядуу буюу халамжийнх юм.

Зочин [202.9.46.164] 2023-05-29 14:54:41

Хүүхэд байхдаа баярлаж үзээгүй.


4 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
4 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.