Соёл, спорт, аялал жуулчлал, залуучуудын сайд Ж.Алдаржавхлан Бүгд Найрамдах Австри Улсаас Монгол Улсад суугаа Онц бөгөөд Бүрэн эрхт Элчин сайд Волф Диетрихийг хүлээн авч уулзан, хоёр орны соёл, аялал жуулчлал, спортын салбарын хамтын ажиллагааны талаар санал солилцов.

ССАЖЗЯ-ны мэдээлснээр, уулзалтын үеэр талууд хоёр орны соёлын салбарын хамтын ажиллагаанд ахиц гарч, Бүгд Найрамдах Австри Улсын Засгийн газрын хөнгөлөлттэй зээлээр Улсын Дуурь, бүжгийн эрдмийн театрын тайзны тоног төхөөрөмжийг шинэчилж байгааг сайшаав. Цаашид хоёр улсын аялал жуулчлал, спортын салбарын хамтын ажиллагааг хөгжүүлэхэд анхаарал хандуулан ажиллахаар санал нэгджээ.