“Mercedes Benz” компани Лас Вегаст болсон олон улсын үзэсгэлэнгийн үеэр бүрэн автомат, тансаг зэрэглэлийн машин бүтээснээ танилцуулжээ. Тус загварын онцлогоос дурдвал, жолооны хүрдийг зорчигчийн аль ч суудлаас удирдах боломжтой юм байна. Зорчигчид явган зорчигч болон туслах замын мэдээллийг LED дэлгэцээр хянах боломжтой. “Mercedes Benz F 015” автомашин нь замын хөдөлгөөний мэдээллийг тусгай проектороор зорчигчид дамжуулдаг байна.

Германчууд энэхүү ер бусын загвараараа “бие даасан тээврийн хэрэгсэл” бүтээж болохыг харуулахыг зорьжээ. Тус машин нь “Mercedes Benz” компанийн бэлэг тэмдэг бүхий өнгөтэй. Ухаалаг хаалга нь зорчигчдыг ямар нэг саадгүй суухад зориулсан, 90 градус нээгддэг байхаар бүтээгджээ.

Э.ЭНХ-ЭРДЭНЭ