Өнөөдөр Засгийн газрын хуралдаан болно. Хуралдаанаар Зуны цагийн тоололд шилжүүлэх тухай, Монгол Улсын Ерөнхийлөгчийн Чех Улсад хийсэн айлчлал, Давосын чуулга уулзалтад оролцсон дүнгийн тухай, Монгол Улсын Ерөнхий сайдын Япон Улсад хийсэн айлчлалын дүнгийн тухай, УИХ-ын гишүүн Д.Батцогт нарын санаачлан боловсруулсан “Цэцэрлэг, ерөнхий боловсролын сургуулийн болон дотуур байр, биеийн тамирын заал, эрүүл мэндийн салбарын барилга, байгууламжийн талаар авах зарим арга хэмжээний тухай” Улсын Их Хурлын тогтоолын төсөлд Засгийн газраас өгөх санал, дүгнэлтийн тухай тус тус хэлэлцэх юм байна. Мөн 1945 оны чөлөөлөх дайны 70 жилийн ойг тэмдэглэх тухай асуудлыг хэлэлцэх аж.

Ж.МАРАЛ