Ерөнхий У.Хүрэлсүхийн отгон дүү У.Отгонбаяр Барилга, хот байгуулалтын яамны Төрийн захиргаа удирдлагын газрын даргын албан тушаалаа энэ сарын 21-ны өдөр өөрийн хүсэлтээр хүлээлгэн өгсөн байна.

Эх сурвалжийн мэдээлж буйгаар У.Отгонбаяр хувийн хэвшилд ажиллахаар болсон гэх. Гэхдээ түүнийг ажлаа өгөхөд ах У.Хүрэлсүхийнх нь улс төрийн ажил нөлөөлсөн бололтой.

У.Отгонбаяр өмнө нь ЖДҮХС-д ажиллаж байсан гэгддэг. Өнгөрсөн оны сүүлээр Ерөнхий сайд У.Хүрэлсүхийн төрсөн дүү У.Давхарбаяр ЖДҮХС-гаас зээл авсан асуудал олон нийтийн дунд шуугиан тарьсан.

Энэ үеэр Ерөнхий сайд У.Хүрэлсүх энэ талаар

"Би аав, ээжээс тавуулаа. Том ах маань тэтгэвэртээ гарсан. Одоо таксинд явж, халтуур хийдэг. Эгч маань мөн тэтгэвэртээ суусан. Одоо Солонгост ажиллаж, амьдардаг. Бага дүү маань Барилга, хот байгуулалтын яаманд ажилладаг. Хар багаасаа төрд ажиллаж өөрийн мөнчгөрөөрөө төрд ажиллаж яваа хүн. Нөгөө дүү маань хувиараа бизнес хийдэг. Жилдээ дөрвөн удаа л уулздаг. Цагаан сар, наадам, шинэ жил, хааяа сайхан зан хөдөлсөн үедээ уулздаг. Хэдэн ах, дүү нар маань бие биедээ гай болчихгүй юмсан гэж мөрөөрөө л ажиллаж амьдардаг. Тиймдээ ч тэр бүр уулзалдаж чадахгүй л явдаг. ЖДҮХС-гаас зээл авсан гэж байгаа асуудал гүтгэлэг. Би хэзээ ч өөрийнхөө хамаарал бүхий хүмүүсдээ зээл өгөөч гэсэн бичиг сачиг явуулж байсан зүйл байхгүй. Надад тийм зүйл байхгүй" гэсэн тайлбарыг өгч байсан билээ.