Монголын уран нугараачид тоглосон “Дамбо” Холливудын уран сайхны кино гуравдугаар сарын 29-нд нээлтээ хийх юм байна. “Уолт Дисней” кино компанийн бүтээл, циркт өссөн нисдэг зааны тугалын тухай өгүүлдэг “Дамбо” хүүхэлдэйн киног Холливудын алдарт найруулагч Тим Бюртон бүрэн хэмжээний уран сайхны кино болгож байгаа. Тус уран бүтээлийн гол дүрд Колин Фаррел, Мишель Кэйтон, Денни Давито, Ева Грийн, Колин Фаррел нар тогложээ.

Харин Монголын циркийн хөгжлийн төвийн уран нугараач Ч.Отгончимэг, Э.Ариунчимэг, Б.Золзаяа, Г.Олдох нар туслах дүрийг бүтээсэн. Монголын циркийн уран нугараачдад уг кинонд тоглох саналыг өнгөрсөн 2017 оны аравдугаар сард хүлээн авчээ. Энэхүү саналын дагуу уран нугаралтын жүжигчид, продюсер Н.Эрдэнийн хамт 2018 оны нэгдүгээр сард Лондон хотноо очиж, кино шалгаруулалтад оролцож, тэнцсэн байна.