ӨГЛӨӨНИЙ МЭДЭЭ: WWW.MEDEE.MN САЙТ 2019.06.21-НИЙ ӨГЛӨӨНИЙ БАГЦ МЭДЭЭГ ХҮРГЭЖ БАЙНА

1. Зуны дэлгэр цаг ирж байна. Нарны харшлаас хэрхэн сэргийлэх вэ. Танд хэрэгтэй бяцхан зөвлөмж хүргэе. Нарны харшил нь удамшлын шалтгаантай байхаас гадна наранд удаан хугацаагаар ил явах, зарим төрлийн эм хэрэглэх, химийн бодистой харьцах, биеийн эсэргүүцэл сулрах зэрэг шалтгаанаар нарны харшилтай болдог байна. Жишээ нь, үнэртэй ус, халдваргүйжүүлэгч бодис, зарим төрлийн нарны кремийн найрлага дах бодис нь нарны харшлын шинж тэмдгийн нэмэгдүүлдэг. Нарны харшлын үед биеийн наранд ил гарсан хэсгээр биржгэр тууралт гарч, улайх, загатнах, хавдах г.м шинж тэмдгүүд илэрнэ.Нарны харшлын хөнгөн хэлбэрийн үед зохих дэглэмийг сайтар сахиснаар эдгэрч болно. Харин хүнд хэлбэрийн үед цэврүүнцэр тууралт гарах ба түүнийг маажисны улмаас арьс шархалж, үрэвсэл даамжрах хандлагатай тул эмчид яаралтай үзүүлж, эмчилгээ хийлгэх шаардлагатай. Дээрх шинж тэмдэг илэрвэл уншигч та,

• Хурц наранд удаан хугацаагаар явахгүй байх
• Нарны шил зүүж, наранд биеэ ил гаргахгүй байх (урт ханцуйтай цамц, өргөн хүрээтэй малгай өмсөх)
• Нарны гэрэлд мэдрэг болгодог эм хэрэглэхгүй байх
• Арьс чийгшүүлэгч тогтмол хэрэглэх

Өнөөдрийн цаг агаарын мэдээ

06 дугаар сарын 21-ний 06 дугаар сарын 25-ныг хүртэлх цаг агаарын урьдчилсан төлөв: 21-нд баруун аймгуудын нутгийн зарим газар болон төвийн аймгуудын нутгийн баруун хэсгээр, 22-нд баруун аймгуудын ихэнх нутаг, төв болон говийн аймгуудын нутгийн баруун хэсгээр, 23-нд төв болон говийн аймгуудын ихэнх нутгаар, 24-нд баруун болон зүүн аймгуудын ихэнх нутгаар бороо орно. Дуу цахилгаантай. Салхи борооны өмнө секундэд 16-18 метр хүрч ширүүснэ. 21-нд ихэнх нутгаар, 22, 23-нд нутгийн зүүн хагаст өдөртөө халж Алтай, Хангай, Хөвсгөл, Хэнтэйн уулархаг нутаг, Тэрэлж голын хөндийгөөр шөнөдөө 10-15 градус, өдөртөө 23-28 градус, говийн бүс нутгийн өмнөд хэсэг, Орхон-Сэлэнгийн сав газар, Дорнод, Дарьгангын тал нутгаар шөнөдөө 18-23 градус, өдөртөө 32-37 градус, бусад нутгаар шөнөдөө 13-18 градус, өдөртөө 28-33 градус дулаан байна.

www.medee.mn сайтын уншигч та заавал өглөөний цайгаа ууж гараарай

1. Эрүүл байх, зөв хооллолтын үндэс нь өглөөний цайг “тогтмол” уухаас эхэлнэ. Хүн болгон өглөөд ундаа ууж байж ажил, сургуульдаа явах ёстой.
2. Бодисын солилцоог эрчимжүүлнэ.
3. Цусан дах саахарын хэмжээг тогтмол хэмжээнд байлгана.
4. Өлсөх мэдрэмжийг багасгаснаар өдрийн туршид их идэх эрсдлээс хамгаална.
5. Өглөөний цай ууснаар “ходоод” дүүрэн байх мэдрэмж удаан хугацааны туршид байснаар хоногийн хоолноос авах илчлэгийн хэмжээ багасаж, “жин” нэмэгдэхгүй, сайн хянаж чадна.
6. Өглөө цайгаа ууснаар ажлын бүтээмж өндөр байж, анхаарал төвлөрөлт, шинэ юм хүлээж авах чадвар илүү өндөр байдаг.
7. Өглөөний цай нь даралт ихдэх, харвалтаас 27%, чихрийн шижингээс 20% сэргийлнэ.
8. Өглөөний цайгаа уусан хүн таргалалтанд илүү бага өртдөг гэсэн судалгааны дүн гарчээ. Өглөөний цайг 3 сарын хугацаанд тогтмол ууснаар энэ хугацаанд идэж байсан нийт хоолны хэмжээ 8 кг орчим хасагдсаны дотор оройн хоолны хэмжээ 3,300 гр-аар хасагдсан. Эндээс биеийн жинг хянах, бууруулахад өглөөний цай их ач холбогдолтой.
9. Өглөөний хоол нь ядаргаа, нозоорсон байдлаас сэргээж эрч хүч өгнө.
10. Гоо сайханд нөлөөтэй. Гоолиг бие, тунгалаг царайтай байхын нэг үндэс нь өглөөний цайгаа уух явдал юм. .
11. Өглөөний цай ууснаар ходоод, хоол боловсруулах эрхтнээ хамгаалж чаддаг.

www.medee.mn сайтын сэтгүүлчдийн онцлох ярилцлагаас

Д.Бухбат: Яагаад би зөв хүн байх ёстой юм бэ? гэдгийг цаад үндсийг нь мэдсэн хүн л ойлгоно

Сэтгүүлч Б.Бурмаа аз жаргалтай амьдралын талаар буддизм судлаач Д.Бухбатаас ярилцлага хийсэн билээ. Түүний ярилцлагаас зөв амьдралын талаар мэдэхээс гадна, аз жаргалыг холоос хайх хэрэггүй, таны алган дээр байдаг тухай уншаарай. Аз жаргалыг та өөрөө бүтээж чадна.

“Яагаад би зөв хүн байх ёстой юм бэ? гэдгийг цаад үндсийг нь мэдсэн хүн л ойлгоно. Хулгай хийчихээд би 77.4-өөр шийтгүүлнэ дээ гэж бодохгүй. Харин үүүнийг авчихвал надад муу юм болно гэж боддог байх юм бол тэр гар утсыг авахгүй. Хуулийг бол хүн бүр зүйл ангиар нь мэдэхгүй шүү дээ. Тэгэхээр бидэнд хуулийн засаглал биш ёс суртахууны засаглал чухал байгаа юмуу даа гэж би боддог. Дэлхий дахинаараа хуулийн засаглалтай байгаа нь магадгүй буруу байж ч мэднэ” хэмээн 66 настай иргэн Д.Бухбат ярьж байна. Тэрбээр насаараа цэргийн байгууллагад ажиллаж байгаад хэдэн жилийн өмнө тэтгэвэртээ суужээ. Улмаар “Жавзандамба хутагт” буддын гүн ухаан судлалын төвд явж, сургалтуудад нь сууж эхэлснээр өөрийгөө олж эхэлсэн хэмээсэн юм. Түүнтэй ярилцсанаа хүргэж байна.

-ТЭТГЭВЭРТЭЭ ГАРСАН ӨВГӨН ХИЙХ БАЙХАА ОЛЖ ЯДСАН ЮМ ГЭЖ БОДОЖ ТУН БОЛОМГҮЙ ЮМ-

-Та уг нь цэргийн хүн юм билээ. 30 гаруй жил ажиллаад тэтгэвэртээ гарсан юм байна. Яаж яваад буддын шашин судлаад, буддын шашинтай холбогдчихов оо?

-Монгол хүн бүр бараг цаанаасаа буддын шашинтай холбогддог байх аа. Бид бурхантай айлд л төрсөн болохоос бурхан шүтэж наана цаана болж байгаагүй. Тэтгэвэрт гарсанаас хойш янз бүрийн юм үзэж, харж яваад буддын гүн ухаантай холбогдсон. Хамгийн анх Н.Энхбаярын орчуулсан Бурхан багшийн сургааль гэж номыг уншсан. Энэ номыг Хатанбатаар , Шагдарсүрэн нар бас орчуулсан байдаг юм билээ. Өөрөөр хэлбэл нэг номыг гурван хүн орчуулсан. Бие биенээсээ хамааралгүй болохоор илэрхийлэл нь өөр өөр байна шүү дээ. Түүнийг нь хооронд нь ижилсүүлж, нэгээс нь ойлгоогүйгээ нөгөөдөхөөс нь ойлгож буддын тухай уншиж судлаж эхэлсэн. Сүүлд нь Жавзандамба хутагт төв гэж буддын гүн ухаан судлалын төв байдаг. Лам нарт биш иргэн хүмүүст буддын гүн ухааны сургаалийг сургадаг төвд хоёр гурван жил явж байна. Тэнд л нэлээд зүг чигээ олж байгаа. Ярилцлагын дэлгэрэнгүйг доорх линк рүү нэвтэрч уншина уу. https://www.medee.mn/single/136251

Өнөөдөр Улаанбаатар хотод эрчим хүч хязгаарлах хуваарь

2019.06.21-ний Баасан гарагт хийх засварын хуваарь.
Эрхэм хэрэглэгчид ээ, засвар хийх хугацаанд цахилгаан хэрэглээгээ түр зохицуулна уу.

БАЯНЗҮРХ ДҮҮРЭГ
11:00-17:30 цагт: 17-р хороо Тайгын булаг ХХК, иргэн Мөнхтуяа, Мөнх-Эрдэнэ, Аваасүрэн, Энхсайхан, Баттөгс, Ганбаатар, Энхтайван, Л.Гэрэлмаа, Баттөмөр /цайны газар/, Сэрдамба, Ж.Болдбаатар, Данзан, Хуяг /блок/, Батцэнд, Энхбат, Готовчулуун /гараж/, Болдбаатар, Энхтайван, Ундрахбат, Эрдэнэбилэг, Маналжав /дугуй засвар/, Даваасүрэн, Төмөрхуяг, Түмэндэмбэрэл, Ж.Хүрэлбат, Энхтайван, Баяраа /ХОС/, Ч.Отгонбаяр, Сэргэлэнбат, Бат-Эрдэнэ, Ц.Одхүү, Баянмөнх, Баясгалан, Баасанжав, Жи-Мобайл, Скайтел, Мосол, Охин хүү, Натуца, Бэсрэгтрейд, Эрхэс трейд, Од мөнх, Энх мөнх трейд, Амин уул, Трансбус, Манлай, Мод эд, ХАОЕН, Престиж фүүд трейд интернэшнл ХХК-ууд, Орхон түшээ мөрөн БГБХ, 016-р ЦА-ийн зоорь болон эдгээрийн ойр орчмоор,

ХАН-УУЛ ДҮҮРЭГ
10:00-16:00 цагт: 1-р хороо 19-р хороолол Нарангийн 21, Тагнуулын 25, 120 мянгатын 10-14-р байрууд болон эдгээрийн ойр орчмоор,

БАЯНГОЛ ДҮҮРЭГ
10:00-17:00 цагт: 10, 11-р хороо Цаг уурын станц, Горькийн гудамж, Зүүн Нарангийн задгай, 10-р хорооны задгай, Овоот, Хонхорын гудамжууд болон эдгээрийн ойр орчмоор

НАЛАЙХ ДҮҮРЭГ

10.00-11.00 цагт: 4-р хороо задгай, 1-р хороо Уурхайчдын гудамж, Өвөршанд, 7-р хорооны арын хэсгээр, Петровис, Содмонгол ШТС-ууд, Пост болон эдгээрийн ойр орчмоор,

ТӨВ АЙМАГ
08:30-16:00 цагт: Аргалант, Баянхангай, Лүн сумд Даргиатын ам, Төмрийн үйлдвэр 09:30-17:00 цагт: Лүн сум Ногооны талбай, Авдрант, Ногоон хэрэм 1, 2, Мөнх их мандал ХХК, Тэс Петролиум ШТС, иргэн Сэр-Од, Батсүх /үнээний ферм/ болон эдгээрийн ойр орчмоор.